«ҚҰҚЫҚТЫҚ САУАТТЫЛЫҚ - ЗАМАН ТАЛАБЫ»

2025 жылғы 20 қарашада Қазақстан инновациялар және телекоммуникациялар жүйелері университетінде Республикалық қоғамдық бірлестік «ЖАҢАРУ» «Сыбайлас жемқорлыққа қарсы жалпыұлттық қозғалыс ұйымының белсенділерінің қолдауымен «Жастарды құқықтық тәрбиелеу—сыбайлас жемқорлыққа қарсы дүниетанымның негізі» атты жобасы аясында Құқықтық сауаттылық - заман талабы» тақырыбында тағылымды кездесу өткізіліп, дәріс оқылды. Іс-шараның спикері ретінде «ЖАҢАРУ» Батыс Қазақстан облыстық филиалы директорының орынбасары, БҚИИТУ ректоры, облыстық мәслихат депутаты, Баяхов Әліби Науханұлы және Батыс өңіріне арнайы келген Астана қаласы прокуратурасының Мемлекеттік айыптауды қолдау және апелляциялық сатыдағы істерге қатысу басқармасының бастығы Аймағанова Айжан Талғатқызы болды.

Кездесуді университет ректоры Әліби Науханұлы Баяхов ашып, форумның құқықтық мәдениетті арттырудағы, студенттердің кәсіби бағдарын қалыптастырудағы маңыздылығын атап өтті. Әліби Науханұлы өз сөзінде прокуратура органдары мен жоғары оқу орындарының өзара ынтымақтастығы жас мамандардың кәсіби біліктілігін арттыруға зор ықпал ететінін жеткізді.

Аймағанова Айжан Талғатқызы өз баяндамасында болашақ заңгерлермен ашық форматта алқабилердің қатысуымен өтетін сот процестеріндегі мемлекеттік айыптауды қолдаудың өзекті мәселелеріне тоқталып, прокуратура жүйесінде енгізіліп жатқан жаңа ақпараттық-анықтамалық өзгерістер туралы жан-жақты ақпарат берді. Сондай-ақ, жас заңгерлер үшін талап етілетін кәсіби құзыреттер, айыптау тарапындағы прокурордың жауапкершілігі мен жұмыстың ерекшеліктері нақты мысалдармен түсіндірілді.

Кездесу еркін сұхбат форматында жалғасып, студенттер мемлекеттік айыптаушының қызметі, апелляциялық тәртіптегі сот істеріне қатысу ерекшеліктері, қылмыстық процестегі дәлелдемелерді бағалау, сондай-ақ прокуратура органдарына жұмысқа орналасу мүмкіндіктері жөнінде түрлі сұрақтар қойды. Аймағанова Айжан Талғатқызы барлық сұрақтарға нақты әрі тәжірибеге негізделген жауап берді.

Іс-шара қорытындысында студенттер құқық қорғау саласындағы өзекті мәселелерді тереңірек түсініп, мамандыққа деген қызығушылықтарын арттырғандарын атап өтті.

Іс-шарасының  мақсаты - студенттер арасында адалдық пен сыбайлас жемқорлыққа қарсы мәдениетті дамыту, жастардың назарына, жемқорлыққа қарсы заңнаманы, сыбайлас жемқорлық туралы ұғымды түсіндіру және сыбайлас жемқорлыққа қарсы іс-қимылдар бойынша шараларды жетілдіру, жастар арасында заңдылық пен жемқорлыққа қарсы тәртіп орнату, сыбайлас жемқорлық құбылыстарына қарсы әрекет ете білуге тәрбиелеу. Дәріске қатысушыларға практикалық кейстер мен жағдаяттық тапсырмалар ұсынылып, олар студенттер мен магистранттардың үлкен қызығушылығын тудырды.Қорытындысында спикер қатысушылардың қызықтырған барлық сұрақтарға жауап беріп, ой пікірлерімен алмасып тұшымды жауаптар берілді.