25.11.2025

САЛАУАТТЫ ӨМІР САЛТЫН ДӘРІПТЕУ

Ақтау қаласында «Жастарды құқықтық тәрбиелеу – сыбайлас жемқорлыққа қарсы дүниетанымның негізі» жобасы аясында "ЖАҢАРУ" Сыбайлас жемқорлыққа қарсы жалпыұлттық қозғалысы» Республикалық қоғамдық бірлестігінің Маңғыстау облыстық филиалы және "Әкелер одағы" РҚБ МОФ ұйымдастыруымен мектептерде оқитын оқушылар әкелері арасында волейбол ойындарынан жолдастық кездесу турнирі өтті.
Жарыстың басты мақсаты – салауатты өмір салтын дәріптеу, жастар арасында адамгершілік құндылықтарын насихаттау, құқықтық мәдениетті арттыру және сыбайлас жемқорлыққа қарсы сананы қалыптастыру.
Шараға бестен астам команда қатысып, жарысқа түсіп бақ сынады. Олар "Т. ӘШІМБАЕВ" атындағы орта мектеп, "Исатай Сүйеубаев атындағы 8 жалпы білім беретін мектеп оқушыларының әкелерінен тұратын командалар.
Алға суырылып "Тұлпар" командасы шығып, жеңімпаз атанды. Қатысушылар алғыс хаттармен және естелік сыйлықтармен марапатталды.
Өткізілген шара отбасы құндылықтарын дәріптеуге, әкеге деген құрметті арттыруға, әрі жастардың жаман әдеттерден аулақ болып, ерік-жігері мен табандылығын шыңдап, болашақта қиындыққа төзімді, тек қана алға ұмтылатын азамат болып өсуіне ықпал ететін бұқаралық спортты насихаттаудың жарқын үлгісіне айналды. Себебі білімді, тәрбиелі әрі дені сау ұрпақ – ұлттың ең қымбат байлығы.

«ЖАҢАРУ» РҚБ Баспасөз қызметі