САЛАУАТТЫ ӨМІР!

Бүгін 25 қараша 2025 жылы «ЖАҢАРУ» Сыбайлас жемқорлыққа қарсы жалпыұлттық қозғалысы» РҚБ-інің Астана қалалық филиалы, ұйымдастырылған «Жастарды құқықтық тәрбиелеу - сыбайлас жемқорлыққа қарсы дүниетанымның негізі» арнайы әлеуметтік жобасы шеңберінде, А.Н.ГУМЕЛЕВ атындағы ЕЕВРАЗЯ ҰЛТТЫҚ УНИВЕРСИТЕТІНІҢ спорт кешенінде студенттерімен сыбайлас жемқорлыққа қарсы кезекті спорт іс- шарасы өткізілді.

«ЖАҢАРУ» Сыбайлас жемқорлыққа қарсы жалпыұлттық қозғалыс» Республикалық қоғамдық бірлестігінің Астана қалалық филиалының директоры Даулеткерей Рахметуллин және Астана қалалық филиалы директорының орынбасары Жәмеледин Ибрагимов Астана қаласының студент жастарымен кездесіп олардың салауатты өмірімен танысты.

Іс-шараның мақсаты - жастар арасында сыбайлас жемқорлық, нашақорлықтың кез-келген көріністеріне мүлдем төзбеушілік қағидасын және аталған мәселе бойынша белсенді азаматтық ұстаным қалыптастыру туралы айтылды.

Бұл кешенде волейбол, футбол, баскетбол спорт түрлерінен жарыстар өткізіліп сыбайлас жемқорлыққа қарсы мәдениетті қалыптастыруда “ЖАНЫ САУ - ТӘНІ САУ” ұрпақты қалыптастыру үшін филиал өкілдері салауатты өмірдің негізін насихаттап, қолдап, бұндай іс-шаралар жастардың салауатты өмір салтын ұстануға және жастардың білімін арттыруға бағытталған .

«ЖАҢАРУ» РҚБ Баспасөз қызметі