24.11.2025
«ЗАҢ МЕН ТӘРТІП: ӘДІЛЕТТІЛІКТІҢ НЕГІЗІ»
«ЖАҢАРУ» Сыбайлас жемқорлыққа қарсы жалпыұлттық қозғалыс РҚБ Абай облысы бойынша филиалынының ұйымдастыруымен Жарма ауданы, Шар қаласының жоғары мектеп оқушыларына «Заң мен тәртіп: әділеттіліктің негізі» тақырыбында «Жастарды құқықтық тәрбиелеу – сыбайлас жемқорлыққа қарсы дүниетанымның негізі» жобасы аясында жоғары сынып оқушыларының қатысуымен кездесу өтіп, дәріс оқылды.Дәріс оқудың мақсаты: «Заң мен тәртіп» қағидатын ілгерілету, жастардың құқықтық сауаттылығын арттырумен қатар, құқықтық тәрбиелеу және сыбайлас жемқорлыққа қарсы мәдениетті қалыптастыруға бағыттау, сондай-ақ құқық қорғау органдарының қызметіне жастар арасында ашықтық пен сенімін арттыру.
Іс-шараның басты спикері «ЖАҢАРУ» Сыбайлас жемқорлыққа қарсы жалпыұлттық қозғалыс РҚБ-гі Абай облысы бойынша филиалының директоры, Кұмаров Талғат Қажмұхамедұлы жүргізді.
Спикер сөз барысында оқушы жастарға күнделікті өмірде адалдық, жауапкершілік және әділеттілік мәселелерін жан-жақты талқылады. Жемқорлыққа қарсы мәдениетті қалыптастыру – яғни, адамның өмір сүру әрекетін ұйымдастыру, тәрбие мен білім беруде, тұлғаның бойында белгілі бір қасиетті дамытуға ықпал ету. Оқушыларға шара барысында насихат парақшалары таратылып, сауалнама жүргізіліп, пікір білдіретін сұхбаттар алынды.
Дәріс, мазмұны кең жастар үшін тағылымы мол іс-шара болды.
«ЖАҢАРУ» РҚБ Баспасөз қызметі
