24.11.2025
   «Қарағанды индустриалық университеті» КеАҚ «Жаңару» Сыбайлас жемқорлыққа қарсы жалпыұлттық қозғалыс» РҚБ-не қарасты Қарағанды филиалының жанында «Smart Compliance: Заң мен тәртіп» инновациялық орталығының ашылу салтанаты өтті.
   Жобаның мақсаты - сыбайлас жемқорлық тәуекелдерін анықтау, талдау және алдын алу үшін заманауи жасанды интеллект жүйесін құруға, сондай-ақ университет ішінде де, аймақтық деңгейде де сыбайлас жемқорлыққа қарсы саясатты күшейтетін инновациялық цифрлық ортаны құру.
   Жобаның арнайы рәсіміне келген делегацияны Басқарма төрағасы – «Қарағанды индустриялық университетінің» КеАҚ Ректоры Б.А.Жәутіков, Басқарма мүшесі академиялық мәселелер жөніндегі проректор Г.А.Сивякова, университет аппаратының басшысы А.Н.Қонақбаева, Омбудсмен Г.С.Даирбекова, комплаенс – офицердің м. а. С.С.Ибрагимова қарсы алды.
   Салтанатты әуенмен комплаенс – офицердің м.а. С.С.Ибрагимова құттықтау сөз сөйледі.
   «Smart Compliance: Заң мен тәртіп» инновациялық орталығының салтанатты ашылуына орай қонақтар Оралбай Әбдікәрімұлы Әбдікәрімов пен Мэлс Зайноллаұлы Семғалиев, Сәрсен Жандос Шералыұлы лентаны кесті.
   Орталықтың салтанатты ашылу аясында «Құқықтық тәртіп: Жасанды интеллект сәйкестікте» атты дөңгелек үстелде сұхбаттасу өткізілді. Оны «Қарағанды индустриялық университеті» КеАҚ-ның Басқарма Төрағасы – Ректор т.ғ.д. Бахыт Ахатұлы Жәутіков ашып, қонақтарға сөз берді. Кіріспе құттықтау сөздерімен «ЖАҢАРУ» РҚБ - нің негізін қалаушы және құрметті төрағасы Оралбай Әбдікәрімұлы, «ЖАҢАРУ» РҚБ - нің төрағасы Мэлс Зайноллаұлы Семғалиев және «ЖАҢАРУ» РҚБ-гі төрағасының орынбасары Бейбіт Баймағамбетұлы Мамраев, ҚР Мемлекеттік қызмет істері агенттігінің Қарағанды облысы бойынша департаментінің басшысы Жандос Шералыұлы Сәрсен өз пікілерімен бөлісіп орталықтың болашақтағы қызметіне сәттіліктер тіледі.
   Дөңгелек үстел аясында заманауи жасанды интеллект технологияларының заңдылық пен тәртіпті нығайтудағы, корпоративтік және үкіметтік сәйкестік тетіктерін жетілдірудегі және сыбайлас жемқорлық тәуекелдерінің алдын алу тиімділігін арттырудағы рөлі талқыланды.
   «Smart Compliance» жүйесінің тұсаукесерін Қарағанды индустриялық университетінің комплаенс-офицері м.а. Ибрагимова С.С. орталықтың атқаратын қызметімен таныстырды яғни :
- Сыбайлас жемқорлық тәуекелдерін анықтау үшін жасанды интеллект жұмысынмен бірге қалыптастыру;
- Сыбайлас жемқорлық көріністерінің алдын алу әдістемелері.
   Шара аясында университеттің ректоры Б. А. Жәутіков Қарағанды индустриалық университетінің үздік түлегі Шәкір Жексембайұлы Нұрлыбаевқа алғыс хат табыс етті.
   Қызықты да қызу талқыға түскен заманауи инновациялық орталықтың ашылуы, университет қабырғасында болашақ цифрлық тұтастық пен ашықтық механизмдерін дамытудағы маңызды қадам.