Ұлытау облысы, Ө. А. Байқоңыров атындағы Жезқазған  университеті мен  «ЖАҢАРУ» сыбайлас жемқорлыққа қарсы жалпыұлттық қозғалыс» бірлестігімен бірлесе отырып «Сыбайлас жемқорлық – қоғам дамуының кедергісі» тақырыбында «Жастарды құқықтық тәрбиелеу – сыбайлас жемқорлыққа қарсы дүниетанымның негізі» жобасы аясында студенттермен кездесу ұйымдастырылып дәріс оқылды.
    Іс-шараның бас спикері «ЖАҢАРУ» РҚБ-гі Ұлытау облыстық филиалының директоры Алданьязов Таубагул Тажбайұлы оқыды. 
    Іс-шараның мақсаты – студенттердің бойында құқықтылық сауаттылық деңгейін арттыру және сыбайлас жемқорлыққа деген төзбеушілікті, азаматтық жауапкершілікті қалыптастыру, сыбайлас жемқорлық мәселесіне қатысты өзінің пікірі мен ұстанымын, сыбайлас жемқорлықпен күресуге негізделген нақты азаматтық ұстанымын қалыптастыру, мемлекет алдындағы жауапкершілік сезімін тәрбиелеу.
    Аталмыш дәріске Ө.А.Байқоңыров атындағы Жезқазған университетінің Тау-кен технологиялық институты студенттері қатысты.
    Дәріс қызықты өтіп, сыбайлас жемқорлық мәселесі спикер мен студенттер арасындағы сұрақ-жауап форматында жалғасты. Студенттер тарапынан сыбайлас жемқорлықпен күресу негіздері, оған деген азаматтық ұстанымы мен көзқарасы қызу талқыға түсті.