«Жастарды құқықтық тәрбиелеу – сыбайлас жемқорлыққа қарсы дүниетанымның негізі» атты жоба аясында Петропавл қаласы, №17 ұлттық өркендеу орта мектеп-кешенінің конференция залында «ЖАҢАРУ» Сыбайлас жемқорлыққа қарсы жалпыұлттық қозғалысы» РҚБ-гі Солтүстік Қазақстан облысы директоры Әбілмажинов Темірғали Текебасұлының бастамасымен студент жастармен маңызды кездесу өтіп, дәріс оқылды.
    Кездесу мақсаты - жастар арасында сыбайлас жемқорлық, нашақорлықтың кез-келген көріністеріне мүлдем төзбеушілік қағидасын және аталған мәселе бойынша белсенді азаматтық ұстаным жауапкершілігін арттыру.
    Өз сөзінді модератор Әбілмажинов Темірғали Текебасұлы сыбайлас жемқорлыққа қарсы күрес мемлекеттің маңызды басымдығы екенін, ал жастар адал және әділ болашақты құруда шешуші рөл атқаратынын атап өтті.
    Іс-шара спикерлері Солтүстік Қазақстан облысы бойынша сыбайлас жемқорлық мәселелері жөніндегі кеңесші Зайцева Светлана Николаевна, СҚУ бас комплаенс-офицері Джемалединова Инна Михайловна құқықтық сауаттылықтың, жастарды әділеттілік пен адалдық рухында тәрбиелеуге, құқықтық мәдениетті нығайтуға бағытталған құнды әрі қажетті бастама екендігін, азаматтық жауапкершіліктің және сыбайлас жемқорлыққа төзбеушілікті тәрбиелеудің маңыздылығы туралы айтылды. Қатысушы студенттер тарапынан : бірлескен күш-жігермен ғана Біз сыбайлас жемқорлыққа "ЖОҚ" деп айтатын ұрпақ қалыптастыра аламыз деген ойларын білдіріп, сұрақ пікірлерімен алмасып тұшымды жауаптар берілді.