22.11.2025
СПОРТ ДОСТЫҚ - СПОРТ ДЕНСАУЛЫҚ
«ЖАҢАРУ» Сыбайлас жемқорлыққа қарсы жалпыұлттық қозғалысы» РҚБ-нің Павлодар облыстық филиалы «Жастарды құқықтық тәрбиелеу – сыбайлас жемқорлыққа қарсы дүниетанымның негізі» арнайы әлеуметтік жобасын іске асыру аясында жастар арасында маңызды іс-шара ұйымдастырды.Павлодар химия-механикалық колледжінің базасында жастар мен студенттер арасында волейболдан «ЖАҢАРУ кубогы 2025» жарысы өтті.
Жарыстың басты мақсаты – бұқаралық спортты дамыту, жастар арасында әділдік пен адалдық құндылықтарын насихаттау, құқықтық мәдениетті арттыру және сыбайлас жемқорлыққа қарсы сананы қалыптастыру.
Жарыс жоғары деңгейде өтіп, қатысушылар өз шеберліктерін паш етті.
Жарыс жеңімпаздары «ЖАҢАРУ» Сыбайлас жемқорлыққа қарсы жалпыұлттық қозғалысы» РҚБ-нің Павлодар облыстық филиалы директоры Саят Елғонденов атынан алғыс хаттармен және бағалы сыйлықтармен марапатталды.
Спорттық дода жастардың ынтымағын нығайтып, салауатты өмір салтын ұстануға серпін берді. Алдағы уақытта да осы бағыттағы тәрбиелік және спорттық іс-шаралар жалғасын табатын болады.
Адалдықты дәріптейік, әділдікті ұлықтайық!
«ЖАҢАРУ» РҚБ Баспасөз қызметі
