«Жастарды құқықтық тәрбиелеу - сыбайлас жемқорлыққа қарсы дүниетанымның негізі» жобасы аясында «ЖАҢАРУ» Сыбайлас жемқорлыққа қарсы жалпыұлттық қозғалысы» республикалық қоғамдық бірлестігі Түркістан облыстық филиалының ұйымдастырумен М.Өтебаев атындағы ЖЖТКоледжі, М.Тынышбаев атындағы АЛТ көлік колледжі, Авицена мед колледж, Шымкент аграрлық техникалық колледжі студенттері арасында салауатты өмір салтын дәріптеу және жастар арасында жемқорлыққа қарсы мәдениетті қалыптастыру мақсатында волейболдан «Спорт достық көпірі» сайысы ұйымдастырылды.
Бұл шараның ашылу салтанатында еліміздің гимні ойналып, жарысқа қатысушыларға Шымкент қалалық мәслихатының депутаты, «ЖАҢАРУ» Сыбайлас жемқорлыққа қарсы жалпыұлттық қозғалысы» РҚБ-гі Шымкент қаласы және Түркістан облысы бойынша директоры Досалиев Қанатбек Балтабайұлының қатысып ақыл-кеңесімен бөлісіп сәттілік тіледі.
      Іс-шараның негізгі мақсаты — жастар арасында салауатты өмір салтын насихаттау, достыққа адалдыққа, бірлік пен отансүйгіштік рухты арттыру, спортқа деген қызығушылықты ояту, жасөспірімдер арасында есірткіге қарсы тұру мәдениетін қалыптастыру. Сайысқа 100-ге жуық жас спортшы қатысып ерлер мен әйелдер арасында барлық жас санаттары мақтау қағаздары және естелік сыйлықтармен марапатталып жоба аясында дайындалған буклеттер табысталды.      
      Айта кететіні осындай игі бастамалар жастардың бойында азаматтық жауапкершілікті арттырып, жат қылықтардан аулақ болуға шақырады. Мерекелік көңіл-күй сыйлау және олардың қоғаммен байланысын нығайту әрі еліміздің патриоты болуға үндеу мақсатында жүзеге асты.