І. Жансүгіров атындағы Жетісу университеті мен «ЖАҢАРУ» сыбайлас жемқорлыққа қарсы жалпыұлттық қозғалысымен бірлесе отырып «ЗАҢ ҮСТЕМДІГІ – ТҰРАҚТЫЛЫҚ КЕПІЛІ» тақырыбында «Жастарды құқықтық тәрбиелеу – сыбайлас жемқорлыққа қарсы дүниетанымның негізі» жобасы аясында құқықтану білім беру бағдарламасының студенттерімен қоғамдық дәріс өтті.
   Дәріс іс-шарасын Талдықорған қаласы прокуратурасының сотқа дейінгі тергеп-тексерудің заңдылығын қадағалау және қылмыстық қудалау бөлімінің бастығы Қорабаев Иманнәсіп Әділетұлы оқыды.
   Кездесу барысында құқық үстемдігін қамтамасыз етудің мемлекеттік басқарудағы шешуші рөлі, заңдылық пен әділеттіліктің қоғамдағы тыныштық пен әлеуметтік тұрақтылықты сақтаудағы маңызы кеңінен талқыланды. Сондай-ақ, жастардың құқықтық мәдениетін дамыту, құқықтық білімді өмірлік дағдылармен ұштастыру және құқық бұзушылықтың алдын алу мәселелері ерекше назарға алынды.
   Дәріс студенттердің құқықтық сана-сезімін қалыптастыруға, заңға деген құрмет көзқарасын нығайтуға, азаматтық жауапкершілікті сезінуге және әділдік құндылығын түсінуге бағытталды. Мұндай кездесулер жас буынды құқықтық мәдениетке тәрбиелеуде, олардың қоғамдағы белсенді әрі саналы азамат ретінде қалыптасуына зор үлес қосады.