«ЖАҢАРУ» Сыбайлас жемқорлыққа қарсы жалпыұлттық қозғалысы» РҚБ-гі Павлодар облыстық филиалының ұйымдастыруымен «Жастарды құқықтық тәрбиелеу – сыбайлас жемқорлыққа қарсы дүниетанымның негізі» арнайы әлеуметтік жобасын іске асыру шеңберінде Павлодар қаласында орналасқан Қазақстан Республикасы Ұлттық ұланының 5512 және 6679 әскери бөлімдерінің жеке құрамы мен сарбаздарының қатысуымен маңызды кездесу өтіп дәріс оқылды.
   Шараның басты спикері ретінде Павлодар өңіріндегі «ЖАҢАРУ» Сыбайлас жемқорлыққа қарсы» республикалық қоғамдық бірлестігінің филиал жетекшісі, Павлодар облыстық мәслихаттың депутаты Елғонденов Саят Шалқыбекұлы өз сөзінде қатысушыларға құқықтық мәдениетті қалыптастыру, сыбайлас жемқорлықтың алдын алу және адалдық құндылықтарын нығайту жөнінде түсіндіру жұмыстары туралы мән жайын түсіндірді.
   Атап өтілген басты қағида сарбаздар мамандардан құқықтық нормаларды сақтау, мемлекеттік қызметтегі этикалық талаптар, жауапкершілік түрлері мен сыбайлас жемқорлыққа қарсы іс-қимыл тетіктері туралы жан-жақты ақпарат алды. Сондай-ақ жастардың ой-өрісін дамытуға, жауапты азаматтық ұстаным қалыптастыруға бағытталған ашық әңгіме алаңы ұйымдастырылды.
   Мұндай кездесулер жас ұрпақтың құқықтық сауаттылығын арттыруға, Отан қорғаушылардың бойында әділдік пен парасаттылық қағидаттарын орнықтыруға ықпал етеді.