12 қазан күні Қостанайда А.Байтұрсынов университетінің журналистика және коммуникациялық менеджмент факультетінің студенттерінің қатысуымен сыбайлас жемқорлық пен құқық бұзушылықтардың алдын алу мәселелеріне арналған дәріс оқылды. Іс-шара «Жастарды құқықтық тәрбиелеу — сыбайлас жемқорлыққа қарсы дүниетанымның негізі» жобасы аясында ұйымдастырылып, оның серіктестерінің бірі ретінде Қостанай өңіріндегі «ЖАҢАРУ» Сыбайлас жемқорлыққа қарсы жалпыұлттық қозғалыс» республикалық қоғамдық бірлестігі атсалысты. Басты спикер ретінде ЖАҢАРУ» Сыбайлас жемқорлыққа қарсы жалпыұлттық қозғалыс» республикалық қоғамдық бірлестігінің Қостанай өңіріндегі жетекшісі, «Біздің Костанай» журналының бас редакторы Асқар Жабаев жүргізді.
    Іс-шара барысында студенттер күнделікті өмірде адалдық, жауапкершілік және әділеттілік мәселелерін жан-жақты талқылады. Жемқорлыққа қарсы мәдениетті қалыптастыру – яғни, адамның өмір сүру әрекетін ұйымдастыру, тәрбие мен білім беруде, тұлғаның бойында белгілі бір қасиетті дамытуға ықпал ету.
    Қатысушылар сыбайлас жемқорлыққа қарсы күрестегі әр азаматтың рөлін, заңға бағынудың маңызын және қоғамдық бақылаудың қажеттілігін атап өтті.
    Дәрістен кейін студентер арасында GR форматында сауалнама ұйымдастырылды.
    Мұндай іс-шаралар студенттік ортада адалдық, жауапкершілік және әділеттілік сияқты басты құндылықтарды қалыптастыруға септігін тигізіп, болашақ мамандар мен саналы азаматтардың берік негізін қалайды. Сонымен қатар, жастар арасында сыбайлас жемқорлыққа қарсы мәдениетті нығайтуға бағытталған «ЖАҢАРУ» РҚБ-ның белсенді қолдауы жобаның табысты жүзеге асуына өз үлесін қосуда.