«ЖАҢАРУ»        Сыбайлас жемқорлыққа қарсы жалпыұлттық қозғалыс» РҚБ - ің «Жастарды құқықтық тәрбиелеу сыбайлас жемқорлыққа қарсы дүниетанымның негізі» атты жобасы аясында Маңғыстау облысы, Ақтау қаласының №28 жалпы білім беретін мектептің жоғарғы сынып оқушыларымен жастар арасында құқықтық сауаттылық және сыбайлас жемқорлыққа қарсы бағыт бойынша курс сағаты іс-шарасы өткізілді.
    Іс-шараға «ЖАҢАРУ» РҚБ-ің Маңғыстау облыстық филиалы директоры Д.Үсіпбаев , Ақтау қаласы ПБ Криминалдық полиция бөлімінің жедел уәкілі, полиция капитаны Б.Жұмағазиев, жергілікті полиция өкілі Асылбеков Р.Б және Ақтау қаласының №28 жалпы білім беретін мектеп директорының тәрбие жөніндегі орынбасары Есалиева А. қатысты.
    Курс іс-шарасының мақсаты - жастар арасында құқықтық сауаттылық деңгейін арттыру, сыбайлас жемқорлыққа қарсы білім және тәрбие, сыбайлас жемқорлыққа қарсы сананы қалыптастыру.
    Спикерлер сөз барысында оқушы жастарға күнделікті өмірде адалдық, жауапкершілік және әділеттілік мәселелерін жан-жақты талқылады. Жемқорлыққа қарсы мәдениетті қалыптастыру – яғни, адамның өмір сүру әрекетін ұйымдастыру, тәрбие мен білім беруде, тұлғаның бойында белгілі бір қасиетті дамытуға ықпал ету. Оқушыларға шара барысында насихат парақшалары таратылып, сауалнама жүргізіліп, пікір білдіретін сұхбаттар алынды.
    Спикерлер сыбайлас жемқорлыққа қарсы күрестегі әр азаматтың рөлін, заңға бағынудың маңызын және қоғамдық бақылаудың қажеттілігін атап өтті.
    Шара соңында спикерлерге пайдалы ақыл кеңестері үшін оқушылар тарапынан алғыстарын жеткізді.