«ӘЛКЕЙ МАРҒҰЛАН АТЫНДАҒЫ ПАВЛОДАР ПЕДАГОГИКАЛЫҚ УНИВЕРСИТЕТІНДЕ «ЖАСТАРДЫ ҚҰҚЫҚТЫҚ ТӘРБИЕЛЕУ—СЫБАЙЛАС ЖЕМҚОРЛЫҚҚА ҚАРСЫ ДҮНИЕТАНЫМНЫҢ НЕГІЗІ» ЖОБА АЯСЫНДА «ЖАСӨСПІРІМДЕРДІҢ ДЕВИАНТТЫ МІНЕЗ – ҚҰЛЫҒЫ» ЗЕРТХАНАСЫНЫҢ АШЫЛУЫ ІС-ШАРАСЫ ӨТТІ

     ЖАҢАРУ» сыбайлас жемқорлыққа қарсы жалпыұлттық қозғалыс» республикалық қоғамдық бірлестігінің жоба аясындағы «Әлкей Марғұлан атындағы Павлодар педагогикалық университетімен бірлесіп ұйымдастырған студент жастармен кездесу ұйымдастырылды. Университет  жанындағы академик Ә.Марғұланға арналған ескерткіш-бюстінің алдында  гүл шоғын қою рәсімдерінен басталып университет ғимаратымен таныстыру оқу корпустарын, зертханалар мен оқу аудиторияларын аралап экскурсия барысында  студенттердің шығармашылық және ғылыми көрмелерінің жұмысымен танысып салтанатты түрде университет жанынан «Жасөспірімдердің девиантты мінез – құлығы» зертханасының ашылуы рәсімімен жалғасты.Зертхана жұмысының жүргізу тәртібімен пихологиялық қолдау орталығының директоры Колюх Ольга Анатольевна таныстырып өтті.  Зерхананың ашылу мақсаты білім беру ұйымдарында, ювеналды полицияда арнайы есепте тұрған ұйымдастырылмаған жастармен және жасөспірімдермен атаулы жұмысты ұйымдастыру мақсатында жастармен жұмыс жөніндегі мамандарды даярлау және олардың біліктілігін арттыру, өскелең ұрпақты құқықтық ағарту және құқық бұзушылықтардың алдын алу.  Өскелең ұрпақ арасында заңға бағынатын және сыбайлас жемқорлыққа қарсы құндылықтарды ілгерілету арқылы сыбайлас жемқорлыққа қарсы мәдениетті қалыптастыру.

                        Іс-шараны  университет ректоры,басқарма төрағасы Әмірбекұлы Ержан таныстырып жүргізіп отырды. Шара қонақтары   ҚР Парламент Мәжілісінің депутаты Арсютин Николай Геннадьевич, «ЖАҢАРУ» Сыбайлас жемқорлыққа қарсы жалпыұлттық қозғалыс» республикалық қоғамдық бірлестігінің төраға орынбасары Мамраев Бейбіт Баймағамбетұлы өз ой пікірлерімен алмаса отырып, ақыл кеңестерімен бөлісіп, университет қабырғасынан ашылған зертхананың өзектігін  атай отыра зертхана жұмысына сәттіліктер тіледі. Аталған рәсімге Павлодар облысының студенттік омбудсмені Даурен Шарипов, Павлодар облысының білім беру басқармасы басшысының орынбасары Жанат Ризабек Жанатұлы, «ЖАҢАРУ» Сыбайлас жемқорлыққа қарсы жалпыұлттық қозғалыс» Павлодар облыстық филиалының директоры,облыстық мәслихатының депутаты Саят Елгонденов, «ЖАҢАРУ» РҚБ-ің аппарат жетекшісі Қабдулла Алиев, Павлодар облысы полиция Департаментінің киберқылмыспен күрес басқармасы бастығының орынбасары, полиция полковнигі Жанат Ризабек Жанатұлы, Павлодар облысы бойынша әскери прокурор Бақытжан Қанатұлы,  М.Қанапиянов атындағы жоғары колледждің тәрбие жұмысы жөніндегі директор орынбасары Таржакаева Алма Маратқызы, «Құқық, тарих, кәсіпкерлік» ББ оқытушысы, «Сыбайлас жемқорлыққа қарсы мәдениеттің негіздері» пәнінің оқытушысы Ахметшарипова Айжан Мұратқызы сынды мемлекет қызметкерлері және университет оқытушылары мен студенттер белсенділері қатысты. Аталған ауқымды іс-шара «Жастарды құқықтық тәрбиелеу—сыбайлас жемқорлыққа қарсы дүниетанымның негізі» жоба аясында ұйымдастырылды.

«ЖАҢАРУ» РҚБ Баспасөз қызметі.