9 желтоқсан – Халықаралық сыбайлас жемқорлыққа қарсы күрес күні қарсаңында «ЖАҢАРУ» Сыбайлас жемқорлыққа қарсы жалпыұлттық қозғалыс» РҚБ- нің Алматы қалалық филиалы «ТҰРАН» университетімен бірлесе футбол турнирын ұйымдастырды. Турнирге университет студенттерінен тұратын 16 команда қатысып, жеңімпаздар анықталды.
   Спорттық іс-шара «Жастарды құқықтық тәрбиелеу – сыбайлас жемқорлыққа қарсы дүниетанымның негізі» жобасы аясында өткізілді. Турнирдің ашылуында Алматы қалалық «ЖАҢАРУ» РҚБ-ің директоры Борис Әликенұлы Жапаров және спорт саласының өкілдері сөз сөйлеп, қатысушыларға сәттілік тіледі.
   Турнир барысында университет студенттерінің сыбайлас жемқорлыққа қарсы «SANALY URPAQ» ұйымы жоғары белсенділік танытып, «ЖАҢАРУ» РҚБ-гі Алматы қаласы филиалының белсенділерімен бірге, студенттер арасында құқықтық сауаттылық және сыбайлас жемқорлықтың алдын алу мәселелері жөнінде үгіт насихат, парақшалары таратылып түсіндіру жұмыстарын жүргізді. Ұйымдастырушылардың айтуынша, жоба аясында өткізілген осындай спорттық турнир жыл сайынғы дәстүрлі додаға айналмақ.
   Турнир жеңімпаздарына университет және «ЖАҢАРУ» РҚБ-гі филиалының басшылығы тарапынан марапаттар мен бағалы сыйлықтар тарту етілді.