14.11.2025

Сыбайлас жемқорлыққа қарсы кезекті дәріс (лекция), ата-аналарымен, педагогтерімен, оқушылармен сұбхатасу іс-шарасы өткізілді

   «ЖАҢАРУ» Сыбайлас жемқорлыққа қарсы жалпыұлттық қозғалысы» РҚБ-інің Астана қалалық филиалы, Астана қалалық Білім басқармасы, Астана қаласы "Нұра" ауданы Әкімдігі, Аудандық полиция басқармасы, Астана Аналар кеңесі, Астана қаласы Әкімдігінің 110 Жалпы білім беру мектебі педколлективімен бірлесіп ұйымдастырылған "ЖАСТАРДЫ ҚҰҚЫҚТЫҚ ТӘРБИЕЛЕУ - СЫБАЙЛАС ЖЕМҚОРЛЫҚҚА ҚАРСЫ ДҮНИЕТАНЫМНЫҢ НЕГІЗІ" арнайы әлеуметтік жобасы шеңберінде, сыбайлас жемқорлыққа қарсы кезекті дәріс (лекция), ата-аналарымен, педагогтерімен, оқушылармен сұбхатасу іс-шарасы өткізілді.
   Мақсаты - жастар арасында сыбайлас жемқорлық, нашақорлықтың, тұрмыстық құқық бұзушылықтың кез-келген көріністеріне мүлдем төзбеушілік қағидасын және аталған мәселе бойынша белсенді азаматтық ұстаным қалыптастыру туралы айтылды.
   Жастардың бойында сыбайлас жемқорлыққа, нашақорлыққа қарсы сананы қалыптастыру және тұрмыстық құқық бұзушылық жөніндегі іс-шаралар кешенін жүргізу шеңберінде ұйымдастырылған жиынға:
- «ЖАҢАРУ» РҚБ-інің Астана қалалық филиал басшысы Дәулеткерей Рахметоллаұлы Рахметуллин;
- "ЖАҢАРУ" РҚБ-нің Астана қаласы Нұра аудандық филиалы Директоры орынбасары Берік Баубекұлы Жуманазаров;
- Астана қаласы Әкімдігінің биылғы оқу жылында жаңадан іске қосылған номері 110-ші Жалпы білім беру Мектеп Директоры Маржан Сұлтанбекқызы Мақашова;
- Астана қалалық Әкімдігінің жанындағы "Писхологиалық қолдау орталығы" КММ-нің Алдын алу жұмысы бөлімінің (опека) Методисті Сатбек Мәуленұлы Ашимов;
- Қазақстан Халқының Ассамблеясы жанындағы Астана қаласы Аналар кеңесінің Төрайымы Алтынай Мұратжанова Тәңірбергенова;
- Нұра аудандық Полиция басқармасы Тұрмыстық зомбылыққа қарсы бөлімінің Полиция майоры Зарина Темирлановна Тұрсынова қатысып, сөз сөйлеп, дәріс оқылып, сұбхатасу, пікір алмасу, тәрбие жаңа көзқарастар мен методикалар туралы айтылды.
   Жиында Астанадағы мемлекеттік органдардың «ЖАҢАРУ» РҚБ-мен сыбайлас жемқорлыққа қарсы, нашақарлыққа және әртүрлі құқық бұзушылықты болдырмау бағытында жасалып жатқан жұмыстары, өскелең ұрпақтың бойында, аталған мәселеге қарсы «иммунитет» қалыптастыру туралы іс-шаралармен таныстырылды.
   Сондай-ақ оқу орында орналасқан сенім жәшігі, директор блогы, коррупцииға қарсы жасалған саитпен таныстырылып, ата-аналар, оқушылар, оқытушылар сауалнамасының көрсеткіші секілді бірқатар жұмыстар талқыланды.
   Сонымен бірге аталған тақырып бойынша видеоролик көрсетіліп, шара қатысушылар сауалдарын жолдап, пікір білдіріп, сұрақтарына толық, түсінікті жауап алды.

«ЖАҢАРУ» РҚБ Баспасөз қызметі.