3 қараша күні ҚР ҚК Ұлттық әскери — патриоттық орталығында «ЖАҢАРУ» Сыбайлас жемқорлыққа қарсы жалпыұлттық қозғалыс» республикалық қоғамдық бірлестігімен «Әскери-партиоттық және ісдестіру қозғалыстары қауымдастығы» республикалық қоғамдық бірлестігімен бірлесе ұйымдастырған Астанадағы «BATYRLAR» әскери - патриоттық орталығының тәрбиеленушілерімен кездесу іс-шарасы өтті. 2023 жылы құрылғын Орталық Астана қаласының мектеп түлектері мен колледж студенттерін, әсіресе аз қамтылған және толық емес отбасылардан шыққан жасөспірімдерді даярлаумен айналысады. Бұл ұйымның мақсаты - жастарды Отанға деген сүйіспеншілік пен адалдық патриоттық қағидаттарына тәрбиелеу үшін қоғам күштерін біріктіру болып саналады. Кездесуде «Генералдар кеңесі» РҚБ-ің және «ЖАҢАРУ» РҚБ-ің совет мүшесі, «Жекпе-жек» ұлттық спорт федерациясының құрметті президенті Сейтжан Мелдебекұлы Қойбақов сөз алып өзінің көп қырлы өмірлік тәжирибесімен болашақ жастарға тәрбиеде - адамгершілік құндылықтарға, Отанды сүюге, ар-намыс және ұят сынды құндылықтарды, нақты қиындықтар мен жеңістер туралы, жас жігіттер мен қыздарға қиындықтардан қорықпауға, төзімділікпен мақсатқа деген табандылықты тәрбиелейтін дана тәлімгер, аға ретінде ақыл кеңестерімен бөлісті. «BATYRLAR» әскери - патриоттық орталығының тәрбиеленушілерінің жас өспірімдер тарапына орталықтағы үйренген тәжірибелерін әскери шеберліктерін көрсетіп таң қалдырды. Іс -шараға «ЖАҢАРУ» РҚБ-ің төрағасы М.Семғалиев, төраға орынбасары Б.Мамраев, Совет мүшелері Д.Мыңбай, Д.Рахметуллин, аппарат жетекшісі Қ.Алиев, ҚР ҰҒА құрметті академигі м.ғ.д профессор Б.Аяған, «Әскери-патриоттық және ісдестіру қозғалысы қауымдастығы» РҚБ төрағасы,з.ғ.к.запастағы полковник А.Оразбаев сынды абыройлы ағалар жасөспірімдерге өз-ойларымен бөлісіп, кездесу өз деңгейінде тәрбиелік тағылымы мол, қызықтыда тартымды өтті.
    Өткізген іс-шарасы «Жастарды құқықтық тәрбиелеу — сыбайлас жемқорлыққа қарсы дүниетанымның негізі» жобасының бір бөлігі болып табылады және жасөспірімдер арасында сыбайлас жемқорлыққа төзбеушілікті қалыптастыруға, азаматтық жауапкершілік пен құқықтық мәдениетті дамытуға және салауатты өмір сүру салтын насихаттауға бағытталған.