28.10.2025

«Спорт - біздің серігіміз» атты спорттық іс-шара

   І.Жансүгіров атындағы Жетісу университетінде «ЖАҢАРУ» Сыбайлас жемқорлыққа қарсы жалпыұлттық қозғалыс» Республикалық қоғамдық бірлестігімен бірге «Жастарды құқықтық тәрбиелеу – сыбайлас жемқорлыққа қарсы дүниетанымның негізі» жобасы аясында студенттер арасында спартакиада ұйымдастырылды.
   Жарыстың негізгі мақсаты – жастар арасында салауатты өмір салтын насихаттау, бірлік пен отансүйгіштік рухты арттыру, спортқа деген қызығушылықты ояту, жасөспірімдер арасында есірткіге қарсы тұру мәдениетін қалыптастыру, Ұлттық студенттік лигаларға іріктеу жүргізу, студенттердің жекелей спорттық шеберліктерін арттыру, факультеттер арасында спорттық - жолдастық қарым-қатынасты нығайту.
   Жарыс жеңіл атлетика (4х100м эстафета жүгіру), тоғызқұмалақ, гір көтеру (18кг), жүзу (50м), волейбол, стол теннисі сияқты спорттың 6 түрі бойынша өтті.
   Жарысқа барлығы 190 студент қатысып, өз факультеттерінің намысын қорғады.
   Жарыс жеңімпаздары мен жүлдегерлері салтанатты түрде марапатталды.

«ЖАҢАРУ» РҚБ баспасөз қызметі