25.10.2025

«ЗАҢ ЖӘНЕ ТӘРТІП» ИДЕОЛОГИЯСЫ АЯСЫНДА ӨТКЕН ІС -ШАРА

   «Жастардың құқықтық санасын қалыптастыру» тақырыбында Ш.Есенов атындағы университет студенттерімен «ЖАҢАРУ» Сыбайлас жемқорлыққа қарсы жалпыұлттық қозғалысы     Республикалық бірлестігі Маңғыстау облысы филиалының директоры Д.Үсіпбаевтың қатысуымен университет қызметкерлері және студенттерімен «Жастарды құқықтық тәрбиелеу – сыбайлас жемқорлыққа қарсы дүниетанымның негізі» жобасы аясында кездесу ұйымдастырылды.
   Іс- шараға «Жаңару» РҚБ Маңғыстау облыстық филиалының директоры Д.Үсіпбаев, Қазақстан халқы Ассамблеясы Ақсақалдар Кеңесінің төрағасы, техника ғылымдарының докторы, Заң ғылымдары Академиясының академигі О.Әбділов, Мемлекеттік қызмет істер жөніндегі агенттіктің Маңғыстау облыстық департаментінің маманы Г.Какауова, аталған университеттің студенттік істер және қоғаммен байланыс жөніндегі вице-президент Е.Маханбет қатысты.
   Кездесу барысында интернет алаяқтық, буллинг, кибербуллинг, құқықтық тәртіп мәселелері бойынша нақты деректер келтіріліп, студенттерге құқықтық сауаттылықты арттыруға бағытталған тиімді кеңестер берілді.
   Шара соңында студенттер спикерлерге мазмұнды және пайдалы дәріс өткізгендері үшін алғыстарын білдірді.
   Сондай-ақ бұл күні «Адал ұрпақ» клубының жұмыс жоспарына сәйкес оқушыларға арналған «Адалдық сағаты» өткізілді.
   Аталған іс-шара «Жастарды құқықтық тәрбиелеу – сыбайлас жемқорлыққа қарсы дүниетанымның негізі» жобасы аясында өтті.
 

«ЖАҢАРУ»РҚБ Баспасөз қызметі