Астана қаласына қарасты Нұра ауданы әкімдігі аппаратының Мемлекеттік қызметкерлерімен арнайы кездесу өткізіліп, дәріс оқылды.
    Кездесуді Астана қаласы Нұра ауданы Әкімі аппаратының басшысы Мұрат Баярстанов ашып, қатысушылармен таныстырып, жүргізіп отырды.
    Іс-шара «Жастарды құқықтық тәрбиелеу—сыбайлас жемқорлыққа қарсы дүниетанымның негізі» жоба аясында ұйымдастырылып Нұра ауданы әкімдігінде сыбайлас жемқорлыққа қарсы іс-қимыл және мемлекеттік қызметтегі этикалық нормалардың, ережелердің сақталуына назар аударылды.
    "ЖАҢАРУ" Сыбайлас жемқорлыққа қарсы жалпыұлттық қозғалыс" РҚБ-нің Астана қалалық филиалының директоры Дәулеткерей Рахметуллин - Сыбайлас жемқорлыққа қарсы заңнаманың негізгі қағидаттары, сыбайлас жемқорлыққа қарсы мәдениетті дамыту, мемлекеттік қызметкерлердің, жастардың құқықтық санасын арттыру өзектілігін атап өтті.
    Сондай-ақ іс - шараға Астана Әкімдігінің Әдеп жөніндегі уәкілі Ғалымжан Амантай және Мемлекеттік қызмет Агенттігінің қалалық Департаментінің өкілдері - Бақылау Басқармасының басшысы Нұрболат Әділов пен Сыбайлас жемқорлықтың алдын алу д   епартаменті басшысының міндетін атқарушы Дулат Латыпов қатысып, Мемлекеттік қызметкерлерге сыбайлас жемқорлықты болдырмау бағытында, заңнамалардың негізгі принциптері баяндалып, сыбайлас жемқорлықа қарсы мәдениетті қалыптастыру, құқықтық сананы, құқықтық мәдениетті жетілдіруге байланысты тәжірибелік тұрғыда ойларымен бөлісті.
   Арнайы дәріске қатысқан тәжірибелі мамандармен пікір алмасып, құқықтық санасын көтеруге қатысты іс-шара, негізгі құқықтық заңнамалардың Нұра ауданы жастарын күнделікті өмірлеріне қатысты тәртіпті бірігіп түсіндіру туралы кездесуі қарқынды өтті.
   Мемлекеттік қызметкерлер сауалдарын қойып, сыбайлас жемқорлыққа қарсы мәдениетті қалыптастыруға байланысты іс-шараларға белсенді қатысатындықтарын жеткізді.
   Қатысқан мамандарға болашақта бірлесіп жұмыс істеуге шақырып, кәсіби мамандықтың иесі болуға кеңестерін берді.
   Астана қаласы Нұра ауданы Әкімі аппаратының басшысы Мұрат Баярстанов қатысқан тәжірибелі мамандарға ризашылық білдірді. Іс шара соңында мемлекеттік органдардың атына ұсыныстар мен ұсынымдар дайындау белгіленді.