Абай облысы, Жарма ауданы, Шар қаласы «Абай атындағы мектеп-балабақша кешені» КММ -де 2025 жылдың 16 қазан күні Абай облысы «ЖАҢАРУ» Сыбайлас жемқорлыққа қарсы жалпыұлттық қозғалысы Республикалық бірлестігі филиалының директоры Кумаров Талғат мырзаның қатысуымен мектеп қызметкерлері және ата-аналармен «Жастарды құқықтық тәрбиелеу – сыбайлас жемқорлыққа қарсы дүниетанымның негізі» жобасы аясында кездесу ұйымдастырылды. Кездесуде мектеп директоры Бейсембаева Меруерт Ертаевна сөз алып, қатысушылармен таныстырды.

   Іс- шараға Жарма АПБ Шар қалалық полиция бөлімінің бастығы полиция майоры Сыдықанов Ринат Дулатұлы, тергеуші, полиция аға лейтенанты Самалхан Ербұлан Қайратұлы, учаскелік полиция инспекторы, полиция лейтенанты Архат Серік Арманұлы, кәмелетке толмағандар ісі жөніндегі инспектор, полиция аға лейтенанты Ернат Мұратұлы өз пікірлерімен алмасып, ақыл кеңестерін ортаға салды.
   Кездесу барысында интернет алаяқтық, буллинг, кибербуллинг, құқықтық тәртіп мәселелері бойынша нақты деректер келтіріліп, ата-аналарға құқықтық сауаттылықты арттыруға бағытталған тиімді кеңестер ұсынылды.
   Жиын соңында Қамқоршылық кеңесінің төрайымы Сергазина Маржан Габдрашитқызы оқушылардың жол қауіпсіздігіне, жеке тәртібіне қатысты сұрақтар қойылып, сала мамандары тарапынан ата-аналарға толыққанды жауаптар берілді.
   Сондай-ақ бұл күні «Адал ұрпақ» клубының жұмыс жоспарына сәйкес оқушыларға арналған «Адалдық сағаты» өткізілді. Абай облысы «ЖАҢАРУ» Сыбайлас жемқорлыққа қарсы жалпыұлттық қозғалысы Республикалық қоғамдық бірлестігі филиалының директоры Кумаров Талғат оқушылар алдында сөз алып бүгінгі жас, ертеңгі аға буын өкілі дәл қазірге мезетте оларға қандай бағыт – бағдар берсек, сол бағдармен өз жолын таппақ. «Әлемді өзгерту үшін алдымен өзің өзгеріс жаса!» - деген ұранды өзінің басты өмірлік ұстанымына айналдырған білімді, жан-жақты жалындап жанып тұрған, ерік жігері мықты жастар деп білеміз деп өз ойымен бөлісті. Аталған іс-шара «Жастарды құқықтық тәрбиелеу – сыбайлас жемқорлыққа қарсы дүниетанымның негізі» жобасы аясында өтті.