Назар аударыңыз КОНКУРС!

КОНКУРС ТУРАЛЫ

ЖАСТАР БАСТАМАЛАРЫ БАЙҚАУЫ

Құрметті әріптестер мен достар!

«ЖАҢАРУ» сыбайлас жемқорлыққа қарсы жалпыұлттық қозғалысы» республикалық қоғамдық бірлестігі 14 пен 35 жас аралығындағы жастарды «Жастарды құқықтық тәрбиелеу — сыбайлас жемқорлыққа қарсы дүниетанымның негізі» жобасы аясында өтетін «Жастар бастамалары байқауына» қатысуға шақырады.

Байқаудың мақсаты — құқықбұзушылықтың алдын алу, жастардың сыбайлас жемқорлыққа қарсы санасын қалыптастыру және олардың бастамаларын қолдау.
Байқау 9 желтоқсан — Халықаралық сыбайлас жемқорлыққа қарсы күрес күніне орай өткізіледі.

Байқауға мектеп оқушылары, колледж студенттері, жас ғалымдар, жұмыс істейтін жастар, кәсіпкерлер мен мамандар қазақ немесе орыс тілдерінде дайындаған мақалалар, эссе, өлеңдер, бейнероликтер, плакаттар, комикстер және өзге де шығармашылық жұмыстар қабылданады.

Байқауға қатысу үшін не істеу керек:

Байқауға қатысу үшін PDF немесе Word форматындағы келесі құжаттарды дайындап, жіберу қажет:
• Конкурстық жұмыс (толық мәтіні);
• Қатысушының өтінімі (нысаны);
• Дербес деректерді өңдеуге келісім.

Құжаттар zhanaru.konkurs@gmail.com электрондық поштасына «Байқау» деп белгілеп, өз аты-жөнін көрсету арқылы жіберіледі (мысалы: «Байқау – Еркін Қайратұлы Мақсұтов»).
Байқау нәтижелері 2025 жылғы 9 желтоқсаннан кешіктірілмей жарияланады.

БАЙҚАУ ЕРЕЖЕСІ

1. Жалпы ережелер
1.1 Бұл ереже «ЖАҢАРУ» сыбайлас жемқорлыққа қарсы жалпыұлттық қозғалысы» республикалық қоғамдық бірлестігі   өткізетін «Жастар бастамалары байқауын» ұйымдастыру және өткізу тәртібін айқындайды.
Байқауға 14 пен 35 жас аралығындағы жастар жеке немесе шығармашылық топ ретінде қатыса алады.
1.2 Байқаудың мақсаты — жастар арасындағы құқықбұзушылықтың алдын алу және сыбайлас жемқорлыққа қарсы сананы қалыптастыру.
1.3 Байқау 9 желтоқсан — Халықаралық сыбайлас жемқорлыққа қарсы күрес күніне орай өткізіледі.

2. Конкурстық комиссия
2.1 Байқауды ұйымдастыру және өткізу жөніндегі жалпы басшылықты ұйымдастырушы құрған Конкурстық комиссия жүзеге асырады.
2.2 Конкурстық комиссия өз жұмысына сарапшыларды тартуға құқылы.

3. Жұмыстарды ұсыну тәртібі
3.1 Байқауға жастар арасындағы сыбайлас жемқорлыққа қарсы іс-қимыл мен құқықбұзушылықтардың алдын алуға бағытталған жобалар мен жұмыстар қабылданады.
3.2 Конкурстық жұмыстар қазақ немесе орыс тілінде орындалуы тиіс және 2025 жылғы 20 қараша күні сағат 18:00-ге дейін ұсынылуы қажет.
3.3 Барлық материалдар мен құжаттар zhanaru.konkurs@gmail.com электрондық поштасына «Байқау» деп белгілеп, қатысушының аты-жөнімен бірге жіберіледі.
3.4 Бір қатысушыдан тек бір жұмыс қабылданады.
3.5 Міндетті құжаттар тізімі:
— Қатысушының өтінімі (автор туралы мәліметпен);
— Дербес деректерді өңдеуге келісім;
— Конкурстық жұмыстың сипаттамасы және жұмыстың өзі.
3.6 Конкурстық комиссия талаптарға сай келмейтін жұмыстарды қабылдамауға құқылы.

4. Конкурстық жұмыстарды бағалау
4.1 Байқау қорытындысын Конкурстық комиссия шығарады.
4.2 Бағалау критерийлері:
• Жұмыс тақырыбының өзектілігі;
• Тақырыптың толық ашылуы;
• Қатысушының жұмысты өздігінен орындауы;
• Жұмыстың тәжірибелік маңызы.

5. Байқау жеңімпаздары
Бірінші орын — жеңімпаз дипломы және 500 000 теңге.
Екінші орын — диплом және 300 000 теңге.
Үшінші орын — диплом және 100 000 теңге.
Қосымша екі көтермелеу жүлдесі — әрқайсысы 50 000 теңгеден.

6. Авторлық құқық
6.1 Авторлар өз жұмыстарының жалғыз құқық иелері екенін және конкурс шарттарымен келісетінін растайды.
6.2 Ұйымдастырушы конкурсқа ұсынылған жұмыстарды немесе олардың бөліктерін өз жарғылық мақсаттарына сәйкес пайдалана алады.
6.3 Байқауға өтінім беру арқылы қатысушы байқаудың барлық ережелерімен келісетінін растайды.