11.10.2025
ТАҒЫЛЫМЫ МОЛ КЕЗДЕСУ
2025 жыл 03 қазан күні Қарағанды облысының Нұра ауданы Керітінді ауылында Мүтәш Сүлейменов атындағы (ресурстық орталық) тірек мектебінде «ЖАҢАРУ» республикалық қоғамдық бірлестігінің төраға орынбасары, профессор Бейбіт Баймағанбетович Мамраев және Қарағанды индустриялық университетінің комплаенс-офицері, «ЖАҢАРУ» республикалық қоғамдық бірлестігі Қарағанды облыстық филиалы директорының орынбасары Самал Серікқызы Ибрагимованың мектеп оқушылары мен мектеп ұжымының қатысуымен «Жастарды құқықтық тәрбиелеу – сыбайлас жемқорлыққа қарсы дүниетанымның негізі» жоба аясында тағылымды кездесу өтті.Жиналыс барысында жастардың құқықтық санасын арттыру, әділдік пен адалдық қағидаттарын дәріптеу, сондай-ақ сыбайлас жемқорлыққа қарсы дүниетанымды қалыптастыру мәселелері талқыланды. Іс-шара барысында қатысушылар тарапынан сұрақ пікірлерімен алмасып тұшымды жауаптар берілді.
Жиынды қорытындылаған Мүтәш Сүлейменов атындағы (ресурстық орталық) Тірек мектебінің директоры Ғалым Түлеубайұлы Хасенов кездесуге қатысқан қонақтарға жылы сөздері мен мотивациялық тағылымы мол кеңестері үшін алғысын білдірді.
«ЖАҢАРУ» баспасөз қызметі
