ОБЛЫСТЫҚ СОТТА КЕЗДЕСУ ӨТКІЗІЛДІ

Бүгін Қызылорда өңірі облыстық сотында мемлекеттік қызметшілерге арналған кездесу өткізіліп дәріс оқылды.

Іс-шараға Сот Әкімшілігінің Қызылорда облысы бойынша Департаментінің басшысы М.Асанова, аудандық және оған теңестірілген соттардың әкімшілерінің басшылары мен мамандары, «ЖАҢАРУ» Сыбайлас жемқорлыққа қарсы жалпыұлттық қозғалысы» Республикалық қоғамдық бірлестігі Қызылорда облысы бойынша филиалының төрағасы С.Сүлеймен қатысты.

Департамент басшысы М.Асанова жиынды ашып, қатысушыларды күн тәртібімен таныстырып, көтеріліп отырған мәселелердің маңыздылығына тоқталды.

Жиында басты спикер С.Сүлеймен сөз алып, «ЖАҢАРУ» Сыбайлас жемқорлыққа қарсы жалпыұлттық қозғалысы» қоғамдық бірлестігінің «Жастарды құқықтық тәрбиелеу - сыбайлас жемқорлыққа қарсы дүниетанымның негізі» атты жоба аясындағы сыбайлас жемқорлыққа қарсы іс-қимыл жасау және оның туындауына себеп болатын жағдайларды жою болып табылатынын, өскелең ұрпақ арасында заңға бағынатын және сыбайлас жемқорлыққа қарсы құндылықтарды ілгерілету арқылы сыбайлас жемқорлыққа қарсы мәдениетті қалыптастыру, құқық бұзушылықтардың алдын алуға, жастардың сыбайлас жемқорлыққа қарсы санасын қалыптастыруға бағытталған Жастар бастамаларын дамыту, жемқорлықтың алдын алу мақсатында талдау жұмыстарын жүргізетінін атап өтті.

Сонымен бірге, мемлекеттік қызметші жалпыға ортақ қабылданған моральдық - әдеп нормаларын ұстанып, қарапайымдылық танытып, заң талаптарын бұзуға жол бермей, сыбайлас жемқорлық көріністерінен аулақ болу қағидаларының керектігі айтылды.

Кездесу барысында «ЖАҢАРУ» қоғамдық бірлестігінің Қызылорда облысы бойынша филиалының төрағасы, спикер С.Сүлеймен «Жастарды құқықтық тәрбиелеу - сыбайлас жемқорлыққа қарсы дүниетанымның негізі» тақырыбында дәріс оқылып қатысушылар ой пікірлерімен алмасты.

Кездесу соңында жоба аясында белгіленген ынтымақтастық туралы меморандумға қол қойылды.

«ЖАҢАРУ» баспасөз қызметі