Қорытынды семинар өтті

2024 жылғы 17 желтоқсан күні  Астана қаласында «ЖАҢАРУ» Сыбайлас жемқорлыққа қарсы жалпыұлттық қозғалыс» Республикалық қоғамдық бірлестігінің Орталық аппаратында «Жастардың құқықтық сауаттылығын және құқық қорғау органдарына сенім деңгейін арттыру іс-шаралар кешенін өткізу» атаулы Әлеуметтік Жобаның екі жылдық нәтижелері талқыланған қорытынды семинар өтті.

Аталмыш Әлеуметтік Жобаны 2023-2024 жылдары «ЖАҢАРУ» РҚБ Қазақстан Республикасы Мәдениет және ақпарат министрлігінің жанындағы «Азаматтық бастамаларды қолдау орталығы» Коммерциялық емес акционерлік қоғамның қолдауымен жүзеге асырды.

Семинарға келесі тұлғалар қатысты:

- «ЖАҢАРУ» РҚБ өңірлік филиалдарының Директорлары (онлайн);

- масс-медиа өкілдері;

- «ЖАҢАРУ» РҚБ өңірлердегі белсенді мүшелері (онлайн);

- «ЖАҢАРУ» РҚБ Астана қаласындағы белсенділері.

Жиынды «ЖАҢАРУ» РҚБ Орталық аппаратының жетекшісі Қабдолла Хамитұлы ӘЛИЕВ модератор болып жүргізіп отырды.

Семинарда бас баяндаманы «ЖАҢАРУ» РҚБ Орталық аппаратының жетекшісі Қабдолла Хамитұлы ӘЛИЕВ жасады.

Жарыссөзге «ЖАҢАРУ» РҚБ өңірлік филиалдарының директорларымен белсенділері  және Л.Гумилев атындағы университет студенттері қатысты.

Талқылаудың негізінде «ЖАҢАРУ» РҚБ өңірлік филиалдарына аталмыш жобадағыдай жұмыстарды келесі жылдарда да жалғастыру жүктелді.

Семинар соңында «сұрақ – жауап» форматында пікір алмасу өтті.