Қарағанды қаласында Дөңгелек үстел өтті

Қазақстан Республикасының Тәуелсіздік күні қарсаңында академик Е.А. Бөкетов атындағы Қарағанды университетінде «Тәуелсіздік және тұлғалар» тақырыбында Дөңгелек үстел өтті.

Іс-шараны университет ректоры Нұрлан Орынбасарұлы ДУЛАТБЕКОВ модератор болып, жүргізіп отырды.

Дөңгелек үстелдің отырысына келесі тұлғалар қатысып отырды:

- Мэлс Зайноллаұлы СЕМҒАЛИЕВ, «ЖАҢАРУ» РҚБ Кеңесінің Төрағасы, Қазақстан Республикасы Сыбайлас жемқорлыққа қарсы іс-қимыл агенттігінің Қоғамдық кеңесінің мүшесі;

- Оралбай Әбдікәрімұлы ӘБДІКӘРІМОВ, Қазақстан Республикасының мемлекет және қоғам қайраткері, «ЖАҢАРУ» Сыбайлас жемқорлыққа қарсы жалпыұлттық қозғалыс» Республикалық қоғамдық бірлестігінің негізін салушы және құрылтайшысы, «ЖАҢАРУ» РҚБ Кеңесінің Құрметті Төрағасы, академик Е.А. Бөкетов атындағы Қарағанды университетінің тарих факультетінің түлегі;

- Бейбіт Баймағамбетұлы МАМРАЕВ, «ЖАҢАРУ» РҚБ Кеңесі Төрағасының орынбасары, Қазақстан Республикасы Сыбайлас жемқорлыққа қарсы іс-қимыл агенттігінің Қоғамдық кеңесінің мүшесі, филология ғылымдарының докторы, профессор, академик;

- Қабдолла Хамитұлы ӘЛИЕВ, «ЖАҢАРУ» РҚБ Кеңесінің мүшесі.

Кездесуге университеттің оқытушылары мен студенттері қатысты.

Іс-шараға қатысушылар ел дамуына өлшеусіз үлес қосқан көрнекті тұлғаларды тілге тиек етіп, тарихты жеке тұлғалар жасайтынын атап өтті.

Жарыссөзге университеттің келесі ғалымдары қатысты:

- Археология, этнология және Отан тарихы кафедрасының профессор ассистенті, PhD докторы Н.Б. Смағұлов «Ел егемендігінің тарихи белестері» тақырыбына баяндама жасады;

- Бүкіләлем тарихы және халықаралық қатынастар кафедрасының меңгерушісі, тарих ғылымдарының кандидаты, доцент Б.А. Досова «Вехи становления Независимого Қазақстана» тақырыбына баяндама жасады;

- Тарих факультетінің деканы, тарих ғылымдарының кандидаты, доцент Ж.Ә. Жұмабеков «Ел тәуелсіздігін нығайтудағы тұлғалардың рөлі» тақырыбына баяндама жасады.

Дөңгелек үстелдің соңында Оралбай Әбдікәрімұлы ӘБДІКӘРІМОВКЕ академик Е.А. Бөкетов атындағы Қарағанды университетінің Құрметті профессоры атағын беру туралы университет Ғылыми кеңесінің шешімі жарияланып, тиісті куәлік тапсырылды.

«ЖАҢАРУ» РҚБ Баспасөз қызметі