Қарағанды «Bolashaq» академиясының студенттері облыстық прокуратураның Ашық есіктер күніне қатысып флэшмоб акциясын өткізді.

14 қараша 2024 жылы«ЖАҢАРУ» Сыбайлас жемқорлыққа қарсы жалпыұлттық қозғалысы» РҚБ Қарағанды облыстық филиалының ұйымдастыруымен Қазақстан Республикасы Мәдениет және қоғамдық даму министрлігінің «Азаматтық бастамаларды қолдау орталығының» қолдауымен «Жастар бойында сыбайлас жемқорлыққа қарсы сананы қалыптастыру жөнінде іс-шаралар кешенін жүргізу» атты әлеуметтік жобасы шеңберінде Қарағанды облысының прокуратурасында Қарағанды «Bolashaq» академиясы студенттерінің бастамасымен флэшмоб акциясы іс-шарасы өтті.

Аталған іс-шараны «ЖАҢАРУ» Сыбайлас жемқорлыққа қарсы жалпыұлттық қозғалысы» РҚБ Қарағанды облыстық филиалының директоры Сембиев Құрманғазы Закірұлы жүргізді.

Іс-шараның мақсаты – болашақ заңгерлерге кәсіби қызмет пен жұмыс орнын таңдауда көмек көрсету, Отанға қызмет етуді, жастар ортасында құқық қорғау органдарының оң имиджін іске асырылуының барысы туралы хабардар ету, нақты көмек көрсету. Жастардың құқықтық сауаттылығын, нормативтік-құқықтық актілердің сапасын арттыру, сыбайлас жемқорлыққа қарсы дүниетанымды қалыптастыру, жастарды мемлекеттің сыбайлас жемқорлыққа қарсы саясаттың іске асырылуның барысы туралы хабардар ету, нақты көмек көрсету.

Мемлекеттік қызметтің, оның ішінде құқық қорғау қызметінің тартымдылығы мен беделін насихаттау.

Кездесу барысында студенттер прокуратура органдарының қалыптасу және даму тарихымен, прокурордың күнделікті міндеттерімен, мемлекеттің құқықтық, әлеуметтік және экономикалық міндеттерін іске асырудағы прокурорлық қадағалаудың рөлімен, оның ішінде қоғам мен мемлекеттегі процестерге оң әсер еткен прокуратураның аса маңызды жетістіктерімен танысты.

Сондай-ақ, студенттерге прокуратура органдарына қызметке кіру тәртібі, прокуратура органдарында қызметтің беделі мен болашағы, прокуратураның жоғары тұрған органдары мен ведомстволарына дейін кәсіби өсу мүмкіндігі айтылды, сыбайлас жемқорлыққа қарсы күрес жұмыстарымен танысып, ой бөлісті. Студенттер көптеген сұрақтар қойып, үлкен қызығушылық танытты. Іс-шара барысында буклет, флаерлар таратылып студентер тарапынан «Құқықты жастар ел болашағы», «Жастар жемқорлыққа қарсымыз» атты флэшмоб акциясы іс-шарасы ұйымдастырылды.

«ЖАҢАРУ» РҚБ Баспасөз қызметі