21.10.2024
Құқықты жастар ел болашағы
Бүгін «ЖАҢАРУ» Сыбайлас жемқорлыққа қарсы жалпыұлттық қозғалыс» Республикалық қоғамдық бірлестігі Атырау филиалы төрағасы Саламат Нұрмұханұлы Идрисовтың ұйымдастыруымен Х.Досмұхамедов атындағы Атырау университетінде «Жастарды құқықтық сауаттандыру-жемқорлықсыз болашақ кепілі» атты кездесу ұйымдастырылды. Кездесуге «ЖАҢАРУ» Сыбайлас жемқорлыққа қарсы жалпыұлттық қозғалыс» Республикалық қоғамдық бірлестігі Төрағасының орынбасары Бейбіт Баймағамбетұлы Мамраев қатынасты.Кездесу барысында Бейбіт Баймағамбетұлы Мамраев:
-“Жастар – қоғамның белсенді әрі білімді қозғаушы күші. Экономикалық және құқықтық дамуды тежейтін фактор - сыбайлас жемқорлық. Мемлекетіміз сыбайлас жемқорлықпен күрестің жүргізілуін үнемі басты назарда ұстайды. Осы орайда жастардың бойына құқықтық сана, құқықтық мәдениет және құқықтық тәртіп үғымдарын сіңіру – басты мақсат. Отансүйгіштік қасиет пен парасаттылықты ұштастыра білген жастар ғана еліміздің жарқын болашағының кепілі. Сыбайлас жемқорлыққа төзбеушілікті қалыптастыру және оның алдын-алу – бүгінгі жиынымыздың басты себебі, - екенін баса айтты.
Х.Досмұхамедов атындағы Атырау университеті аясында құрылған «ЖАҢАРУ» Сыбайлас жемқорлық мәселелерін зерттеу орталығының білім алушы-волонтерлер құрамы анықталды. Волонтерлерге «ЖАҢАРУ» Сыбайлас жемқорлыққа қарсы жалпыұлттық қозғалыс» Республикалық қоғамдық бірлестігінің алдындағы басты міндеттер және атқарылатын жұмыстар туралы түсіндірілді.
Білім алушы-жастар тарапынан сыбайлас жемқорлықты жоюға бағытталған іс-шаралар бойынша сұрақтар талқыланып тұщымды жауап алынды.
Кездесудің соңында еріктілерге еріктілікті растайтын құжаттар табысталды. Студенттер сыбайлас жемқорлыққа қарсы қозғалыста өз үлестерін қосатынына сенімдіміз.
Ұйымдастырушы: «Жаңару» Сыбайлас жемқорлыққа қарсы жалпыұлттық қозғалыс» Республикалық қоғамдық бірлестігі Атырау филиалы және Х.Досмұхамедов атындағы Атырау университеті.
“ЖАҢАРУ”баспасөз қызметі
