Астанада кешенді іс-шара ұйымдастырылды

2024 жылғы 3 қазан күні Астана қаласында Л.Н. Гумилев атындағы Еуразия ұлттық университетінің № 5 студенттер үйінің кинотеатрында кешенді іс-шара өтіп, онда дәріс оқылып, жастар саясаты мамандарының студенттермен кездесуі, «сұрақ-жауап» форматында пікір алмасу болды.

Бұл іс-шара «Жастардың құқықтық сауаттылығын және құқық қорғау органдарына сенім деңгейін арттыру» тақырыбына арналды.

Кешенді шараны Л Л.Н. Гумилев атындағы Еуразия ұлттық университеттің Әлеуметтік және азаматтық даму департаменті директорының орынбасары, «Әдеп» жобалық кеңсесінің жетекшісі, «ЖАҢАРУ» РҚБ белсендісі Е. Нұғыманов, Астана қаласының Жастар саясаты мәселелері басқармасымен бірлесіп ұйымдастырды.

Іс-шараға:

- Л.Н. Гумилев атындағы Еуразия ұлттық университеттің Әлеуметтік және азаматтық даму департаменті директорының орынбасары, «Әдеп» жобалық кеңсесінің жетекшісі,  «ЖАҢАРУ» РҚБ белсендісі Е. Нұғыманов;

- Астана қаласы Оңалту орталығы басшысының орынбасары, психолог А.Тұяқов;

- Л.Н. Гумилев атындағы Еуразия ұлттық университеті Психологиялық қолдау орталығының бас маманы, психолог Ж. Молдахметов;

- № 2, 4, 5, 6, 7, 8 студенттер үйінің меңгерушілері, ұйымдастырушы-оқытушылары мен старостолары, студенттер, «ЖАҢАРУ» РҚБ белсенділері қатысты.

Е. Нұғыманов «Жастардың құқықтық сауаттылығын және құқық қорғау органдарына сенім деңгейін арттыру» тақырыбында дәріс оқыды.

А. Тұяқов кіріптарлықтың түрлері, олардың адам ағзасына, психикасына және әлеуметтік өміріне бүлдіргіш әсері, жастар арасында зиянды әдеттерге қарсы іс-қимылдарды қалыптастыру шаралары, «Есірткісіз елорда – Дені сау ұрпақ!» жобасы туралы айтты.

Ж. Молдахметов жастар арасындағы жәбірлеу бұзықшылдығы, өзіне өзі қол жұмсау қылықтарының алдын алу, Л.Н. Гумилев атындағы Еуразия ұлттық университеті Психологиялық қолдау орталығының жұмысы туралы айтты.

Шара барысында «сұрақ-жауап» форматында пікір алмасу ұйымдастырылды.

Бұл кешенді іс-шара «Жастардың құқықтық сауаттылығын және құқық қорғау органдарына сенім деңгейін арттыру іс-шаралар кешенін өткізу» атаулы Әлеуметтік Жобаның аясында өтті.

Аталмыш Әлеуметтік Жобаны «ЖАҢАРУ» РҚБ Қазақстан Республикасы Мәдениет және ақпарат министрлігінің жанындағы «Азаматтық бастамаларды қолдау орталығы» Коммерциялық емес акционерлік қоғамның қолдауымен жүзеге асыруда.