Университетте кездесу өтті

    2024 жылғы 26 қыркүйек күні «ЖАҢАРУ» Сыбайлас жемқорлыққа қарсы жалпыұлттық қозғалыс» Республикалық қоғамдық бірлестігінің белсенділері Астана қаласындағы Л.Н. Гумилев атындағы Еуразия ұлттық университетінің студенттерімен «Жастардың құқықтық сауаттылығын және құқық қорғау органдарына сенім деңгейін арттыру» тақырыбында кездесу өткізді.

    Кездесуге «ЖАҢАРУ» РҚБ келесі белсенділері қатысты:

- Е. Нұғыманов, Л.Н. Гумилев атындағы Еуразия ұлттық университеттің Әлеуметтік және азаматтық даму департаменті директорының орынбасары, «Әдеп» жобалық кеңсесінің жетекшісі;

- М. Дәрібай, Л.Н. Гумилев атындағы Еуразия ұлттық университеттің Әлеуметтік жобалар бөлімінің бас маманы;

- А. Ахмет, Е. Абсеитов, Н. Джумадилова, Л.Н. Гумилев атындағы Еуразия ұлттық университеттің «Стандарттау, сертификаттау және метрология» кафедрасының 1 курс кураторлары.

   Бұл іс-шара «Жастардың құқықтық сауаттылығын және құқық қорғау органдарына сенім деңгейін арттыру іс-шаралар кешенін өткізу» атаулы Әлеуметтік Жобаның аясында өтті.

   Аталмыш Әлеуметтік Жобаны «ЖАҢАРУ» РҚБ Қазақстан Республикасы Мәдениет және ақпарат министрлігінің жанындағы «Азаматтық бастамаларды қолдау орталығы» Коммерциялық емес акционерлік қоғамның қолдауымен жүзеге асыруда.

    Кездесу кезінде «ЖАҢАРУ» РҚБ белсенділері студенттерге аталған Әлеуметтік Жобаны іске асыруға арналған іс-шаралардың барысы туралы ақпараттар берді, сыбайлас жемқорлыққа күрестегі өз тәжірибелерімен бөлісті.

«ЖАҢАРУ» РҚБ белсенділері студенттерге:

- жастардың құқықтық сауаттылығын және құқық қорғау органдарына сенім деңгейін арттыруға арналған кешенді іс-шаралардың барысы;

- белгіленген тәртіптерді сақтаудың маңыздылығы;

- құқықтық мәдениет;

- жастардың қоғамдық орындарда өздерін ұстай білу мәдениеті;

- сыбайлас жемқолықпен күрес мәселелері;

- әлеуметтік желілермен келетін дәлелсіз ақпараттарды таратпау керектігі;

- университет Омбудсменінің қызметі;

- университеттегі Комплаенс қызметінің жұмысы;

- университеттегі Қоғамдық қабылдау қызметі;

- университеттің барлық ғимараттарында орналасқан QR-код арқылы онлайн режимде өтініш беру қызметі;

- университет Ректорымен, проректорлармен және департамент директорларымен арнайы бекітілген кестеге сәйкес офлайн форматта кездесу қызметі туралы айтып берді.

Кездесу соңына қарай «сұрақ-жауап» түрінде пікір алмасу өтті.