Астанада флешмоб өтті

   2024 жылғы 25 қыркүйек күні «ЖАҢАРУ» Сыбайлас жемқорлыққа қарсы жалпыұлттық қозғалыс» Республикалық қоғамдық бірлестігі Астана қалалық филиалы Астана қалалық полиция департаментінің Есірткі қылмысына қарсы күрес басқармасымен бірігіп елордада кешенді флешмоб ұйымдастырды.

   Акцияға «Қарағанды облысының жастар мен балалар ұйымдарының одағы» Жастар Қоғамдық Бірестігінің белсенділері, Астана қаласының Көлік және коммуникация жоғары колледжінің студенттері қатысты.

   Кешенді іс-шараны «ЖАҢАРУ» РҚБ Төрағасының орынбасары, Астана қалалық филиалының директоры Дәулеткерей Рахметоллаұлы РАХМЕТУЛЛИН ашып берді. 

   Акция Астана қаласының ортасынан ағатын Есіл өзенінің үстіне салынған, адам көп жүретін, әдемі архитектуралық нысан «Серуен» көпірінде өтті.

   Флешмобқа қатысушылар «АСТАНА – ЕСІРТКІСІЗ ҚАЛА!», «БІЗ ӨМІРДІ ТАҢДАЙМЫЗ!», «БҰЛ ӘЛЕМ ЕСІРТКІСІЗ ЖАҚСЫ!», «АНОНИМДІ СЕНІМ ТЕЛЕФОНДАРЫ: 87172716393 немесе 102» деген ұран-жазулары бар плакаттарды көтеріп тұрды.

   Флешмоб соңында акцияға қатысушылар серуенде жүрген халықпен әңгімелесіп, сыбайлас жемқорлыққа және нашақорлыққа қарсы күрес жөнінде, жастардың құқықтық сауаттылығы және құқық қорғау органдарына сенім деңгейі туралы пікір алмасты, осы мәселелерге байланысты парақшалар таратты.

   Бұл кешенді іс-шара «Жастардың құқықтық сауаттылығын және құқық қорғау органдарына сенім деңгейін арттыру іс-шаралар кешенін өткізу» атаулы Әлеуметтік Жобаның аясында өтті.

   Аталмыш Әлеуметтік Жобаны «ЖАҢАРУ» РҚБ Қазақстан Республикасы Мәдениет және ақпарат министрлігінің жанындағы «Азаматтық бастамаларды қолдау орталығы» Коммерциялық емес акционерлік қоғамның қолдауымен жүзеге асыруда.

«ЖАҢАРУ» РҚБ Баспасөз қызметі