2024 жылғы 14 қыркүйек күні Қазақстан Республикасы Сыбайлас жемқорлыққа қарсы іс-қимыл агенттігінің (Сыбайлас жемқорлыққа қарсы қызмет) жаңартылған Қоғамдық кеңесінің бірінші отырысы өтті.

   Кеңес құрамына Қазақстан Республикасы Парламенті Мәжілісінің депутаттары, мемлекет және қоғам қайраткерлері мен ғалымдар кірді.

   Жаңартылған Қоғамдық кеңес құрамына «ЖАҢАРУ» Сыбайлас жемқорлыққа қарсы жалпыұлттық қозғалыс» Республикалық қоғамдық бірлестігінің Төрағасы Мэлс Зайноллаұлы СЕМҒАЛИЕВ қайта сайланды.

   Сонымен қатар, «ЖАҢАРУ» РҚБ Төрағасының орынбасары Бейбіт Баймағамбетұлы МАМРАЕВ және «ЖАҢАРУ» қозғалысының белсенді мүшесі, Қазақстан Республикасы Парламенті Мәжілісінің депутаты Николай Геннадьевич АРСЮТИН Сыбайлас жемқорлыққа қарсы қызметтің Қоғамдық кеңесінің құрамына кірді.

   Отырыста Қоғамдық кеңестің төрағасы болып, ашық дауыс беру арқылы, бірауыздан Қазақстан Республикасы Парламенті Мәжілісінің депутаты Марат Советұлы БАШИМОВ қайта сайланды.

«ЖАҢАРУ» РҚБ Баспасөз қызметі