2024 жылғы 11 қыркүйек күні Астана қаласында Еуропа Кеңесінің Сыбайлас жемқорлыққа қарсы мемлекеттер тобы (ГРЕКО) есебінің жобасы талқыланған диалог өтті.

ГРЕКО 1999 жылы құрылған, бұл ұйымға Қазақстан Республикасы 2020 жылдың 16 қаңтарында қосылды.

ГРЕКО өзіне мүше мемлекеттерде Сыбайлас жемқорлыққа қарсы іс-қимылдарды кезең-кезеңмен бағалап отырады.

2024 жылғы қаңтар айында ГРЕКО бағалауының үшінші кезеңі басталған болатын.

Үшінші кезеңнің тақырыптары:  

- I тақырып – сыбайлас жемқорлық әрекеттерін қылмыстық жауапкершілікке тарту;

- II тақырып – саяси партияларды қаржыландырудың ашықтығы.

Диалогқа ГРЕКО-ның сарапшы-бағалаушы тобының мүшелері қатысты.

Топтың құрамында Хорватияның, Румынияның, Францияның, Испанияның өкілдері, ГРЕКО-ның Атқарушы Хатшысының Орынбасары Лаура Санз-Левиа және ГРЕКО Хатшылығының аға кеңесшісі Софи Мьюдаль-Лэндерс болды.

Қазақстан Республикасы мен ГРЕКО өкілдері арасындағы диалогқа «ЖАҢАРУ» Сыбайлас жемқорлыққа қарсы жалпыұлттық қозғалыс» Республикалық қоғамдық бірлестігінің Төрағасы Қазақстан Республикасы Сыбайлас жемқорлыққа қарсы іс-қимыл агенттігінің (Сыбайлас жемқорлыққа қарсы қызмет) Қоғамдық кеңесі құрамының мүшесі Мэлс Зайноллаұлы СЕМҒАЛИЕВ талқылауға қатысып өз пікірін білдірді.