2024 жылғы 02 қыркүйек күні Астана қаласында «ЖАҢАРУ» Сыбайлас жемқорлыққа қарсы жалпыұлттық қозғалыс» Республикалық қоғамдық бірлестігі Кеңесінің кезекті отырысы өтті.

   Кеңес отырысында Қазақстан Республикасының Президенті Қ.К. Тоқаевтың «Әділетті Қазақстан: заң мен тәртіп, экономикалық өсім, қоғамдық оптимизм» атты Қазақстан халқына арнаған Жолдауы талқыланды.

   Талқылауға қатысушылар Мемлекет басшысы Жолдауының республика өмірінің барлық саласы үшін өзектілігін атап өтті.

   Бұл ретте Президент өз Жолдауында банк жүйесін реформалау, Салық кодексін жетілдіру, еліміздің индустриялық дамуына, экономика мен ауыл шаруашылығына инвестиция салумен қатар халық игілігі үшін адал еңбек ету қажеттілігіне ерекше назар аударды.

   ҚР Үкімет Үйіне шақырылған қоғам өкілдері мен ғалымдардың арасында болған «ЖАҢАРУ» РҚБ Кеңесінің мүшесі Б.Б. Мамраев Жолдаудан алған әсерлерімен бөлісті.

«ЖАҢАРУ» РҚБ Баспасөз қызметі