22 тамыз 2023 жылы "ЖАҢАРУ" Сыбайлас жемқорлыққа қарсы жалпыұлттық қозғалыс" Республикалық қоғамдық бірлестігі Батыс Қазақстан облыстық филиалының ұйымдастыруымен Қазақстан Республикасы Ақпарат және қоғамдық даму министрлігінің "Азаматтық бастамаларды қолдау орталығы" КЕАҚ қолдауымен "Жастардың құқықтық сауаттылығын және құқық қорғау органдарына сенім деңгейін арттыру іс-шаралар кешенін өткізу " әлеуметтік жоба аясында Батыс Қазақстан облыстық филиалы «Жас Қыран» жастар қанатының мүшелері Қазақстан инновациялық және телекоммуникациялар жүйелер университеті, Халықаралық цифрлық технология, сәулет және құқық колледжі оқытушылары мен белсенді студенттері, облыстық Казталов, Жалпақтал, Көктерек, Жаңақала елді мекендерінде студенттер жастар топтарымен және тұрғындармен кездесіп, елімізде жоғары білім мен ғылымды дамытудың 2023-2029 жылдарға арналған тұжырымдамасы бойынша атқарылған істерді саралап, қоғамдағы өзекті мәселелер бойынша ой-пікір алмасты.
Шараның басты мақсаты өңір жастарын қолдау, құқықтық сауаттылығын арттыру, білімге деген құштарлығын оятау, салауатты өмір салтын, еңбекқорлықты, патриотизмді насихаттау, кәсіби бағдар арқылы мамандыққа бағыттау, жұмысшы мамандықтарын меңгеруге мүмкіндік жасау, нормативтік-құқықтық актілердің сапасын арттыру, сыбайлас жемқорлыққа қарсы дүниетанымды қалыптастыру, жастарды мемлекеттің сыбайлас жемқорлыққа қарсы саясаттың іске асырылуның барысы туралы хабардар ету, нақты көмек көрсету болып бағытталады. Жастар ортасында құқық қорғау органдарының оң имиджін іске асырылуының барысы туралы хабардар ету, нақты көмек көрсету болып табылады.
Әбу Насыр әл-Фараби: «Еліңнің болашағын білгің келсе, маған жастарыңды көрсет, содан соң айтып берейін», - демекші, еліміздің ертеңі, болашағы білімді де, білгір жастардың қолында. Себебі, қай заманда болмасын қоғамның қозғаушы күші - жастар.
Білімді тәрибемен ұштарстыру, адамгершілік, ұлт руханиятын өскелең ұрпақтың бойына сіңіру, насихаттау – баршамыздың парызымыз.
Қоғамда отбасы, әлеуметтік орта: мектеп, колледжа, жоғары оқу орынының өскелең ұрпақты тәрбиелеуде, олардың моралдық, мәдени және психологиялық ұстамдарын қалыптастыруда маңызы ерекше.
Елімізде мемлекеттік оқу гранттары бөлініп, жастарымыздың негізгі бөлігі болашаққа жолдама алды. Ал қалған жастардың тағдыры не болмақ?
Ауылым - алтын бесігім, - дегендей, жергілікті жастар қонақтарды шынайы көңілмен құшақ жая қарсы алды. Кездесу соңы мерекелік көңілді іс-шараға ұласты. Флэшмоб ұйымдастырылып,флаерлар,буклеттер таратылды.
Абай бабамыздың: «Өзіңе сен, өзіңді алып шығар, Еңбегің мен ақылың екі жақтап»,- дегендей, білекке емес, білімге сенетін заманының куәгер екенімізді ұмытпағанымыз дұрыс.
Бүгінгі таңда жастармен жұмыстану, оларға бағыт-бағдар беру маңызды мәселелердің біріне айналды. Себебі қоғамда жемқорлықты айтпағанда, әр түрлі ағымдар, тура жолдан адастыратын астыртын іс-әрекеттер күн өткен сайын артып келеді. Бір-біріне қайшы келетін түрлі идеялар мен ұстанымдар қоғамның барлық салаларына кері әсерін тигізуде. Ұрпағымыздың болашағы алаңдатады, ал ел жастарға сенеді...
Жағымды жаңалықтардың бірі Казталов ауданында сөз емес, іс жүзінде өткізіліп жатқан жастардың кітап оқуға қызығушылығын арттыруға бағытталған іс-шаралар ерекше орны алады. Казталов ауданы әкімінің орынбасары, білім мен мәдинет саласының үздігі Зәйлім Исатайқызы аудан әкімдігі, маслихат депутаттарының және кітапхана жүйесінің қолдауымен 5-11 сынып оқушылары арасында жүлде қоры 1 000 000 теңге болып табылатын «Мен оқыған 30 кітап» атты аудандық байқауы жарияланды, әрі жасөспірімдер арасында үлкен қолдауға ие болды, - деп атап өтті.
Қортындысы жаңа оқу жылының алдында әлеуметтік желілер, БАҚ арқылы жарияланбақ. Аталмыш кітаптар тізімінде М.Әуезовтың «Көксерек», Ш. Айтматовтың «Ақ кеме», З. Ахметованың «Шуақты күндер» және тағы басқалары бар.
Тәлім-тәрбиесі мол, әлемге танымал шығармалар баланың ойлау қабілетін, тіл байлығын арттырып, жаңа кеңістікке жол ашады. Осындай игі бастамалар аудан көлемінде ғана емес, облыс деңгейінде өз жалғасын тапса, нұр үстіне нұр болар еді.
Кейін бұл іс-шара Жалпақтал ауылы және Жаңақала ауданының орталығында өз жалғасын тапты.
Жаңақала ауданың әкімі А.Ж.Көшкінбаев қатынасқан салтанаты шарада - облыс, республика және әлемдік додаларда топ жарған аудан жастарын спорт мерекесімен құттықтап, алғыс хаттар, бағалы сыйлықтар табыс етілді, соны талантты өнерлі жастардың концерттік бағдарламасынмен жалғасты. Аталған шараға "ЖАҢАРУ" Сыбайлас жемқорлыққа қарсы жалпыұлттық қозғалыс" РҚБ-і Батыс Қазақстан облыстық филиалының орынбасары, облыстық мәслихаттың депутаты Баяхов Алиби Науханович жастар алдында сөз сөйлеп шараға қатысып жүрді.
Жастарымыз аман, еліміз тыныш болсын, ағайын!
«ЖАҢАРУ» РҚБ баспасөз қызметі