2024 жылғы 10 шілде күні Астана қаласында «ЖАҢАРУ» Сыбайлас жемқорлыққа қарсы жалпыұлттық қозғалыс» Республикалық қоғамдық бірлестігі Кеңесінің отырысы өтті.

    Кеңес отырысында келесі сұрақтар қаралды:

- «Сыбайлас жемқорлық құқық бұзушылықпен сотталғандардың бұрынғы қызмет істеген ұжымында қылмыстық әрекетті айыптау жиналысын өткізу Әдістемесін» әзірлеу туралы. 

- «ЖАҢАРУ» Сыбайлас жемқорлық мәселелерін зерттеу орталығы туралы.

    Кеңес отырысында келесі шешімдер қабылданды:

- Орталық аппарат дайындаған «Сыбайлас жемқорлық құқық бұзушылықпен сотталғандардың бұрынғы қызмет істеген ұжымында қылмыстық әрекетті айыптау жиналысын өткізу Әдістемесінің» жобасын негізге ала отырып, оған заңнамаға сәйкес толықтырулар мен өзгерістер енгізілсін.

- «ЖАҢАРУ» Сыбайлас жемқорлыққа қарсы жалпыұлттық қозғалыс» Республикалық қоғамдық бірлестігі және Халел Досмұхамедов атындағы Атырау университеті бірігіп университет жанынан ұйымдастырылған «ЖАҢАРУ» Сыбайлас жемқорлық мәселелерін зерттеу орталығының қызметін жарнамалау қолға алынсын.

«ЖАҢАРУ» РҚБ Баспасөз қызметі