«ЖАҢАРУ» Сыбайлас жемқорлыққа қарсы жалпыұлттық қозғалыс» Республикалық қоғамдық бірлестігі Алматы қалалық филиалы мен Алматы технологиялық университетінің бірлесе ұйымдастыруымен ҚР Мәдениет және ақпараттандыру министрлігінің «Азаматтық бастамаларды қолдау орталығы» қолдауымен «Жастардың құқықтық сауаттылығын және құқық қорғау органдарына сенімін арттыру бойынша іс-шаралар кешенін өткізу» атты әлеуметтік жобасы аясында 2024 жылы 09 сәуір күні университет студент жастарының қатысуымен кезекті дәріс іс-шарасы ұйымдастырылды.

    Аталған іс-шара «Парасатты ұрпақ-ұлт болашағы" тақырыбында өтті. Кездесу Алматы қаласындағы «ЖАҢАРУ» Сыбайлас жемқорлыққа қарсы жалпыұлттық қозғалыс» РҚБ филиалының директоры Б.А. Жапаровтың, Алмалы ауданы бойынша «Almaty Adaldyk Alany» жобалық кеңсесінің басшысы, аудан әкімінің Сыбайлас жемқорлыққа қарсы іс-қимыл жөніндегі кеңесшісі М. М. Калимолдин, Алмалы ауданы әкімі аппаратының мемлекеттік-құқықтық бөлімінің бас маманы Ш.А.Кенжебаева және басқа да мемлекеттік органдар, қоғамдық бірлестіктер өкілдерінің және университет студенттерінің қатысуымен ұйымдастырылды.

    Дәріс іс-шарасы оқу орындарындағы сыбайлас жемқорлыққа қарсы іс-қимылдың, патриоттық тәрбиені қалыптастырудың, жастар арасындағы құқықтық сауатылық, құқық қорғау органдарына сенім денгейін арттыру, сондай-ақ жастар арасындағы сыбайлас жемқорлық көріністерін талдаудың өзекті мәселелері көтерілді. Кездесуге қатысушылар елдің болашағын және қоғамдық қатынастардың тазалығы үшін күресте бірлескен күш-жігердің қажеттілігін белсенді талқылады.

    Кездесуде барлық қатысушыларды ел мен қоғам алдындағы іс-әрекеттерге және қиындықтарды жеңуге шабыттандырып, жаңа идеялар мен жемісті тәжірибе алмасудың қайнар көзіне айналды. Патриоттық тәрбие негізінде дайындалған бейне түсірілім көрсетіліп, студент жастар тарапынан тиісті сұрақтар қойылып тұшымды жауаптар берілді.

“ЖАҢАРУ” РҚБ баспасөз қызметі