«ЖАҢАРУ» Сыбайлас жемқорлыққа қарсы жалпыұлттық қозғалыс» Республикалық қоғамдық бірлестігі,Солтүстік Қазақстан облыстық филиалының директоры Әбілмажінов Темирғали Текебасовұлының бастамасымен бірлестік мүшелері су тасқынымен күрестен шет қалмай, оған өз үлестерін қосуда.
     Облыстық филиал өкілдері жасанды бөгеттерді салу, олардың ұзындығын ұлғайту және су басу қаупі ықтимал жерлерден суды ағызу, авариялық-құтқару жұмыстарына атсалысып, құрылған штабтарда жұмыс істеуде.
     Бір күннің ішінде жүздеген құм қапшықтары салынып, өзен порты аймағында жағалауды бекіту жұмыстары жүргізілді.
      Үйлері су тасқынынан зардап шеккен Петропавл қаласының зейнеткерлері де назардан тыс қалған жоқ.
      Жұмысшы ауылы ауданындағы жеке сектордың тұрғыны Чебыкина Татьяна Михайловнаның үйі су тасқынына ең көп зиян шекті.
      Гуманитарлық көмек көрсету мақсатында зардап шеккендерге азық-түлік пакеттері берілді.
      Су тасқынын шектеу үшін бар күш-жігер жұмсалып, азаматтарға қажетті көмек көрсету үшін шұғыл шаралар қабылдануда.