26.03.2024

    Жиналыс «Жастардың құқықтық сауаттылығын және құқық қорғау органдарына сенім деңгейін арттыру іс-шаралар кешенін өткізу» атаулы Әлеуметтік Жобаның аясында ұйымдастырылды. 
   Аталмыш Әлеуметтік Жобаны «ЖАҢАРУ» РҚБ Қазақстан Республикасы Мәдениет және ақпарат министрлігінің жанындағы «Азаматтық бастамаларды қолдау орталығы» Коммерциялық емес акционерлік қоғамның қолдауымен жүзеге асыруда. 
   Жиынға «ЖАҢАРУ» қозғалысының белсенділері, құқық қорғау органдарының өкілдері, Астана халықаралық университеті және Астана қаласындағы басқа да жоғары оқу орындарының профессорлары, ұстаздары, докторанттары, магистранттары, студенттері қатысты. 
   Іс-шараның тақырыбы: Жастардың құқықтық сауаттылығын арттыру және құқық қорғау органдарына сенімін нығайту стратегиясы: заман талабын кешенді түрде шешу 
   Дөңгелек үстелдің мақсаттары: 
- Астана халықаралық университетінің ұжымы мен студенттеріне сыбайлас жемқорлыққа қарсы мемлекеттік саясатты түсіндіру және талқылау, жастардың құқықтық сауаттылығын арттыру, құқық қорғау органдарына сенім деңгейін арттыру; 
- мемлекеттің сыбайлас жемқорлыққа қарсы саясатына жастарды және азаматтық қоғамды тарту; 
 - жастардың және жалпы қоғамның санасында сыбайлас жемқорлыққа қарсы тұрақты мәдениетті қалыптастыру, сыбайлас жемқорлыққа төзімсіздік ұстанымын бекіту; 
- сыбайлас жемқорлыққа қарсы іс-қимыл саласындағы жетістіктер туралы халықты ақпараттандыру. 
   Отырысты «ЖАҢАРУ» Сыбайлас жемқорлыққа қарсы жалпыұлттық қозғалыс» Республикалық қоғамдық бірлестігінің Төрағасы Мэлс Зайноллаұлы СЕМҒАЛИЕВ ашып, жүргізіп отырды.
   Осы іс-шараға: 
- АБДРАХМАНОВ Қайрат Амангелдіұлы – Астана халықаралық университетінің Халықаралық ынтымақтастық және студенттер ісі жөніндегі вице-президенті; 
- ӘБДІКӘРІМОВ Оралбай Әбдікәрімұлы – ЖАҢАРУ» Сыбайлас жемқорлыққа қарсы жалпыұлттық қозғалыс» Республикалық қоғамдық бірлестігінің Құрметті Төрағасы, мемлекет және қоғам қайраткері; 
- МЫҢБАЙ Дархан Қамзабекұлы – Мемлекет және қоғам қайраткері, Қазақстанның Журналистика академиясының академигі; 
- МАМРАЕВ Бейбіт Баймаганбетұлы – «ЖАҢАРУ» Сыбайлас жемқорлыққа қарсы жалпыұлттық қозғалыс» Республикалық қоғамдық бірлестігі Төрағасының орынбасары; 
- РАХМЕТУЛЛИН Дәулеткерей Рахметоллаұлы – «ЖАҢАРУ» Сыбайлас жемқорлыққа қарсы жалпыұлттық қозғалыс» Республикалық қоғамдық бірлестігі Төрағасының орынбасары, Астана қалалық филиалының Директоры;
- ҚОЙЛЫБАЕВ Мейрамбек Мырзабайұлы – Қандыағаш көлік прокуратурасының аға прокуроры, Қазақстан Республикасы Бас прокуратурасы жанындағы Құқық қорғау органдары академиясының магистранты; 
- БАЙСЕИТОВ Баграм Салькенұлы – Қарағанды облысы прокуратурасының қылмыстық қудалау басқармасының прокуроры, Қазақстан Республикасы Бас прокуратурасы жанындағы Құқық қорғау органдары академиясының магистранты; 
- АХМЕТЖАНОВ Ернар Амантайұлы – Қазақстан Республикасы Сыбайлас жемқорлыққа қарсы іс-қимыл агенттігінің қызметкері, сыбайлас жемқорлыққа қарсы қызмет подполковнигі, Қазақстан Республикасы Бас прокуратурасы жанындағы Құқық қорғау органдары академиясының магистранты; 
- САРСЕНБАЙ Жеңіс Сәрсенбайұлы – Түркістан облысы Мақтаарал ауданы прокуратурасының аға прокуроры, Қазақстан Республикасы Бас прокуратурасы жанындағы Құқық қорғау органдары академиясының магистранты; 
- АЛЕНОВ Марат Амрадинұлы – Экс-судья, заң ғылымдарының докторы, Астана халықаралық университеті Құқық жоғары мектебінің профессоры; 
- ИМАНБАЕВ Серик Марденұлы – заң ғылымдарының кандидаты, «ТуранАстана» университетінің профессоры; 
- АКПАРОВА Разия Нурпеисқызы – Аға әділет кеңесшісі, заң ғылымдарының кандидаты, Астана халықаралық университеті Құқық жоғары мектебінің профессоры; 
- САДЫКОВ Токжан Кыдыралиұлы – Ішкі істер министрлігінің ардагері, полковник, Астана халықаралық университеті Құқық жоғары мектебінің аға оқытушысы; 
- ЖАМБАЕВ Ержан Сагынханұлы – заң ғылымдарының кандидаты, Астана халықаралық университеті Құқық жоғары мектебінің доценті; 
- МОСКАЛЬ Сергей Иванович – Астана халықаралық университеті Құқық жоғары мектебінің 3 курс студенті; 
- САРСЕНОВА Наргиз Сырымқызы – Астана халықаралық университеті Құқық жоғары мектебінің 2 курс студенті қатысып сөз сөйледі. 
Жиналыстың соңына қарай сұрақ-жауап түрінде пікір алмасу өтті. 
Дөңгелек үстел барысында айтылған ұсыныстар мен ұсынымдар: 
- білім, ағартушылық, ақпараттандыру, үгіт-насихат салаларында сыбайлас жемқорлыққа қарсы ортаны қалыптастыру; 
- ғылыми және білім беру ұйымдары ғылыми-педагогикалық қызметкерлерінің сыбайлас жемқорлыққа қарсы мәдениетінің тұжырымдамасын әзірлеу; 
- студенттер арасында сыбайлас жемқорлықтың барлық түріне төзбеушілік көзқарасты қалыптастыруға ықпал ету 
   Кездесу соңында жоғарыда көрсетілген Әлеуметтік Жоба туралы студенттер арасында сауалнама жүргізіліп, буклеттер мен флаерлер таратылды және студенттерден сұхбат алынды. 

«ЖАҢАРУ» РҚБ Баспасөз қызметі