21.02.2024
2024 жылы 21 ақпан күні «ЖАҢАРУ» Сыбайлас жемқорлыққа қарсы жалпыұлттық қозғалыс» Республикалық қоғамдық бірлестігінің Астана қалалық филиалы Астана қалалық мемлекеттік органдарымен диалог ұйымдастырды.
Бұл іс-шара «Жастардың құқықтық сауаттылығын және құқық қорғау органдарына сенім деңгейін арттыру іс-шаралар кешенін өткізу» атаулы Әлеуметтік Жобасын іске асыру шеңберінде өтті.
Аталмыш Әлеуметтік Жобаны «ЖАҢАРУ» РҚБ Қазақстан Республикасы Мәдениет және ақпарат министрлігінің жанындағы «Азаматтық бастамаларды қолдау орталығы» Коммерциялық емес акционерлік қоғамның қолдауымен жүзеге асыруда.
Диалогтың мақсаттары:
- Астана қалалық мемлекттік органдардың басшыларын «Жастардың құқықтық сауаттылығын және құқық қорғау органдарына сенім деңгейін арттыру іс-шаралар кешенін өткізу» атаулы Әлеуметтік Жобаның іске асырылу барысы туралы хабардар қылу;
- қалың бұқараны қылмыспен және сыбайлас жемқорлықпен күресуде құқық қорғау және өзге де мемлекеттік органдарға көмек көрсетуге шоғырландыру мәселелері;
- жастар саясатын жүзеге асыру, жастардың құқықтық сауаттылығын және олардың құқық қорғау органдарына сенім деңгейін арттыру мәселелері.
Іс-шараға келесі тұлғалар қатысып, пікірлерімен алмасты:
- Дәулеткерей Рахметоллаұлы РАХМЕТУЛЛИН – «ЖАҢАРУ» РҚБ Төрағасының орынбасары, Астана қалалық филиалының Директоры;
- Нұрдәулет Иманәліұлы ӘЛМҰХАНОВ – Астана қаласы әкімдігінің Ішкі саясат басқармасының Басшысы;
- Самат Сабырұлы ИБРАЕВ – Астана қаласы әкімдігінің Жастар саясаты мәселелері басқармасының Басшысы.
Кездесуге аталған басқармалардың жауапты қызметкерлері және «ЖАҢАРУ» Сыбайлас жемқорлыққа қарсы жалпыұлттық қозғалыс» Республикалық қоғамдық бірлестігінің белсенділері қатысып отырды.
Жиналысты «ЖАҢАРУ» РҚБ Төрағасының орынбасары, Астана қалалық филиалының Директоры Дәулеткерей Рахметоллаұлы РАХМЕТУЛЛИН жүргізіп отырды.
Жиын соңында:
- «ЖАҢАРУ» Сыбайлас жемқорлыққа қарсы жалпыұлттық қозғалыс» Республикалық қоғамдық бірлестігі Астана қалалық филиалы мен қалалық мемлекеттік органдардың бірлескен сыбайлас жемқорлыққа қарсы іс-қимыл Жоспарларын жасау керектігі туралы келісімге қол жеткізілді;
- «Жастардың құқықтық сауаттылығын және құқық қорғау органдарына сенім деңгейін арттыру іс-шаралар кешенін өткізу» атаулы Әлеуметтік Жобаны іске асыру құралдарының бірі болып табылатын, «ЖАҢАРУ» бірлестігі жасап шығарған бейне роликтер көрсетілді.
«ЖАҢАРУ» РҚБ Баспасөз қызметі
