"ЖАҢАРУ" Сыбайлас жемқорлыққа қарсы жалпыұлттық қозғалыс" Республикалық қоғамдық бірлестігінің Маңғыстау облыстық филиалының ұйымдастыруымен, Қазақстан Республикасының мәдениет және ақпарат министрлігінің "Азаматтық бастамаларды қолдау орталығы" КЕАҚ қолдауымен «Жастардың құқықтық сауаттылығы мен олардың құқық қорғау органдарына сенім деңгейін арттыру бойынша іс-шаралар кешенін өткізу» атты әлеуметтік жобасы шеңберінде мектептің жоғары сынып оқушыларын Ақтау қаласындағы Қазақстан Республикасы Ұлттық ұланының "Батыс" өңірлік қолбасшылығының 6656 әскери бөліміне апарып, әскери бөлімнің техникалық-базасымен, сарбаздардың күнделікті тіршілігімен танысып Кездесу өткізу шарасын өткізді.

Іс-шараға ,,ЖАҢАРУ”сыбайлас жемқорлыққа қарсы жалпыұлттық қозғалыс Республикалық қоғамдық бірлестігінің Маңғыстау облыстық филиалы директоры Дайрабай Үсіпбаев, Ұлттық қауіпсіздік комитеті Ардагерлер кеңесінің Маңғыстау филиалы төрағасы, полковник Жұмақожа Қартбаев, "ЖАС САРБАЗ" ЖАСӨСПІРІМДЕР ӘСКЕРИ-ПАТРИОТТЫҚ ҚОЗҒАЛЫСЫ" РЕСПУБЛИКАЛЫҚ ҚОҒАМДЫҚ БІРЛЕСТІГІ ФИЛИАЛЫның төрағасы Мақсатбай Жолай,Маңғыстау облыстық маслихатының депутаты Абзал Марат, 6656 әскери Бөлім командирінің тәрбие және әлеуметтік құқық жөніндегі орынбасары, майор Асқар Мауғазин қатысты.

Оқушылар алдымен сарбаздардың қару жарақ, қоян-қолтық ұрыс тәсілдерін тамашалады. Сержанттар қару-жарақты ашып-жинау тәсілдерін түсіндіріп, әрқайсысы туралы толыққанды ақпарат берді. Казарма,арнайы сауыт киім жабдықтары оқушыларды қызықтыра түсті. Сондай-ақ сарбаздардың оқу бөлмесін, кітапханасын, әскери бөлімнің мұражайын аралады.

Одан кейін әскери бөлімнің конференция залында ұйымдастырған жастармен Кездесу іс-шарасы өтті. Атап айтсақ, жастарды, яғни патриоттыққа, адалдыққа, әділдікке тәбиелейтін бұл шараның отанды қорғайтын болашақ азаматтарға берері мол.

ЖАҢАРУ РҚБ баспасөз орталығы

«ЖАҢАРУ»РҚБ Баспасөз қызметі