Шымкент. 26 желтоқсан. ҚазТАГ – Шымкентте «ЖК-OTAU KZ» қаржы пирамидасының ісі бойынша сот үкімі шықты, деп хабарлайды Қаржы мониторингі агенттігінің баспасөз қызметі.

«ҚМА Шымкент қаласы бойынша департаменті «ЖК-OTAU KZ» қаржы (инвестициялық) пирамидасын құру және басқару бойынша сотқа дейінгі тергеп-тексеруді аяқтады», - делінген сейсенбідегі хабарламада.

2018 жылдан бастап екі ұйымдастырушы салымшылардан қаражат алып, оны басқа қатысушылар арасында қайта бөліп, 150 жәбірленушіге аса ірі көлемде 432 млн теңгеден астам материалдық шығын келтірген.

«Сот үкімімен бұл азаматтар кінәлі деп танылып, 6,5 жылға бас бостандығынан айырылды», - деп хабарлады ҚМА-дан.