"Әлеуметтік медициналық сақтандыру қоры" КЕАҚ Астана қалалық филиалы директорының орынбасары Сандуғаш Болысбекова брифингте елордадағы медицина ұйымдарына жүргізілген мониторинг барысында 2 миллиард теңгеден астам заң бұзушылық анықталғанын айтты, деп хабарлайды Zakon.kz.

2023 жылдың 10 айында медицина ұйымдарының барлық түріне мониторинг жүргізілді.

"Оның ішінде міндетті медицина сақтандыру жүйесінде 1,3 млрд теңге, Медициналық көмек көрсету мемлекеттік қоры аясында 800 млн теңге. Айта кету керек, емдеу-диагностикалық шаралардан негізсіз ауытқу жағдайы денсаулық сақтау саласындағы стандарттардан, бұл өз кезегінде емдеу сапасының жеткіліксіздігіне және емделушінің ем нәтижесіне қанағаттанбауына әкелуі мүмкін".Сандуғаш БолысбековаҚор филиалының баспасөз қызметінің хабарлауынша, 3,0 "Көрсетілген медициналық көмек/қызмет көлемін негізсіз асыра бағалау" – 46% және 6,0 "Диагностикалық және емдеу іс-шараларының, қызмет көрсетудің стандарттардан, Денсаулық сақтау саласы/клиникалық хаттамалар ережелерден негізсіз ауытқуы – 21%.

Сонымен қатар 39 491 мың 354,9 млн теңгелік медицина көмегінің расталмаған жағдайлары анықталды.

Медицина көмегінің түрлері бойынша тіркеудің ең көп саны КТК шегінен тыс консультациялық-диагностикалық қызметтерге (39 477 немесе 99%), қалған 14 тіркелу жағдайы мына көмек түрлеріне тиесілі: мамандандырылған медицина көмегі стационарлық көмек (тәулік бойы стационар), стационарды алмастыратын көмек.

2023 жылдың 10 айында 104 медицина ұйымына проактивті мониторинг жүргізілді. Мониторинг аясында 41 млн теңгеден астам сомаға қызметтерді сатып алу шартының талаптарын тиісінше орындамағаны анықталды. Проактивті мониторингтің 2 кезеңінің қорытындысы бойынша 9 медицина ұйымымен келісім-шарт бұзылды.

"Сонымен қатар қордың Астана қаласындағы филиалы 2023 жылдың 10 айында тұрғындардың 3 975 өтінішін қарады. Пациенттердің шағымы бойынша 191 жоспардан тыс мониторинг жүргізіліп, оның 84-і негізді деп танылып, нәтижесінде экономикалық шаралар қолданылды. Мониторинг нәтижелері бойынша ұсталған сома халыққа сапалы медицина көмегін көрсететін басқа медицина ұйымдары арасында қайта бөлінеді", - деп толықтырды Әлеуметтік медициналық сақтандыру қорының елордалық филиалы директорының орынбасары Болысбекова.

Қазақстанда міндетті медициналық сақтандыру аясында тегін медицина қызметі көлемін жоспарлау ережелері өзгеретіні бұған дейін хабарланған еді.