Біріккен Ұлттар Ұйымының сыбайлас жемқорлыққа қарсы Конвенциясы 2003 жылы қабылданды, оны Қазақстан 2008 жылы ратификациялады.

2013 жылы Сыбайлас жемқорлыққа қарсы мемлекеттік комиссияны ұзақ жылдар басқарған, көрнекті мемлекет қайраткері Оралбай Әбдікәрімовтің бастамасымен «ЖАҢАРУ» Сыбайлас жемқорлыққа қарсы жалпыұлттық қозғалыс» Республикалық қоғамдық бірлестігі құрылды.

2023 жылғы 24 қараша күні сағат 11.00-де Астана қаласындағы Ұлттық академиялық кітапхананың Конституция залында «ЖАҢАРУ» бірлестігі осы даталарға арналған «БҰҰ Сыбайлас жемқорлыққа қарсы Конвенциясына 20 жыл: Қоғам мен мемлекеттің күш-жігерін біріктірейік» атаулы халықаралық конференция өткізеді.

Форумда сыбайлас жемқорлыққа қарсы заңнаманы дамыту, халықаралық шарттардың нормаларын ұлттық заңнамаға енгізу, құқық қолдану тәжірибесі, мемлекеттік органдардың ашықтығы, қоғамдық ұйымдар мен мемлекеттік органдардың ынтымақтастығы, қоғамдық ұйымдардың азаматтардың сыбайлас жемқорлыққа қарсы құқықтық мәдениетін және жастардың құқықтық санасын қалыптастырудағы рөлі туралы сұрақтар талқыланады.

Форумға қатысушылар – Үкімет, Парламент, Конституциялық Сот, құқық қорғау органдарының, халықаралық ұйымдардың өкілдері, ғалымдар, қоғам қайраткерлері, журналистер «ЖАҢАРУ» ұйымының қызметіне оң баға беріп, оның республикадағы тұңғыш жалпыұлттық қоғамдық қозғалыс екенін атап өтті.

«ЖАҢАРУ» қозғалысы өзінің филиалдары жұмыс істейтін еліміздің барлық аймақтарында қолдау тапты.

Сонымен қатар, сыбайлас жемқорлықты тудыратын себептер мен жағдайларды жою бойынша жүйелі жұмыс жүргізу қажеттілігі атап өтілді.

10 жыл ішінде «ЖАҢАРУ» қозғалысы өз қатарына көптеген заңгер ғалымдарды, тәжірибелі қоғам және мемлекет қайраткерлерін, құқық қорғау органдарының бұрынғы қызметкерлерін, журналистерді біріктіре алды.

Жас ұрпақтың құқықтық сауаттылығын арттыру бағытында көптеген жұмыстар атқарылуда.

«ЖАС ҚЫРАН» жастар қанатының қызметі жастар арасында қолдау тауып отыр.

«ЖАҢАРУ» РҚБ мемлекеттік органдардың ашықтығына, сындарлы диалогқа, халықтың билікке сенімін нығайтуға ықпал етеді.

«ЖАҢАРУ» қозғалысына қатысушылар мемлекет пен қоғамның және әрбір азаматтың бірлескен күш-жігерінің арқасында ғана сыбайлас жемқорлықты жеңуге болатынына сенімді.

Конференция қорытындысы бойынша ұсыныстар қабылданады.

«ЖАҢАРУ» РҚБ Баспасөз қызметі