Шымкентте аса ірі көлемде пара алды деп айыпталған Шымкент қаласының бұрынғы прокуроры әрі Сыбайлас жемқорлыққа қарсы іс-қимыл агенттігі басшысының экс-орынбасары Мақсат Қожабаевқа сот үкімі шықты, деп хабарлайды Kazinform. 

Шымкент қаласының қылмыстық істер жөніндегі мамандандырылған ауданаралық сотында Қылмыстық кодекстің 190-бабы 4-бөлігінің 2-тармағы бойынша (Жемқорлық) Мақсат Қожабаев 5,5 жылға бас бостандығынан айырылды. Еске салайық, 9 қаңтарда ҰҚК өкілдері Сыбайлас жемқорлыққа қарсы іс-қимыл агенттігі басшысының бұрынғы орынбасары Мақсат Қожабаевты қамауға алғаны туралы жазған едік. Сондай-ақ 2021 жылдың 2 шілдесінен бастап Мақсат Қожабаев Сыбайлас жемқорлыққа қарсы іс-қимыл агенттігі басшысының орынбасары болған еді. Кейін 2022 жылы 22 сәуірде ол президенттің жарлығымен бұл қызметтен босатылды.