2023 жылғы 31 қазанда «ЖАҢАРУ» Сыбайлас жемқорлыққа қарсы жалпыұлттық қозғалыс» Республикалық қоғамдық бірлестігі Жетісу облыстық филиалының ұйымдастыруымен Талдықорған қаласының Жоғары медициналық колледжінде «Жастардың құқықтық сауаттылығын және құқық қорғау органдарына сенім деңгейін арттыру бойынша іс-шаралар кешенін өткізу» атаулы Әлеуметтік Жобаның шеңберінде студенттермен кездесу өтті.

Аталмыш Әлеуметтік Жобаны «ЖАҢАРУ» РҚБ Қазақстан Республикасы Мәдениет және ақпарат министрлігінің жанындағы «Азаматтық бастамаларды қолдау орталығы» Коммерциалық емес акционерлік қоғамның қолдауымен жүзеге асыруда.

Аталған іс-шара студенттерді құқықтық қорғау және құқықтық сауаттылық деңгейін арттыру, жастар ортасында құқық қорғау органдарының оң имиджін іске асыру барысы туралы ақпараттандыру мақсатында ұйымдастырылды.

Кездесуді «ЖАҢАРУ» РҚБ Жетісу облыстық филиалының Директорының міндетін атқарушы Инкибаев Дастан Модератор болып, жүргізіп отырды.

Осы іс-шараға келесі лауазымды адамдар қатысып, сөз сөйледі:

- Талдықорған қаласы ювеналды полициясының аға инспекторы, есірткі қылмысына қарсы іс-қимыл бөлімшесінің бастығы Мырзақұлов Дастан;

- Талдықорған қаласы мәслихатының Депутаты Шалқар Елісұлы Оразбаев.

Кездесу барысында Диас Инкибаев әрбір оқу орны үшін академиялық адалдық пен парасаттылықты сақтау, сыбайлас жемқорлық фактілерінің алдын алу, жастардың құқықтық сауаттылығын арттыру бойынша облыс көлемінде атқарылып жатқан жұмыстың барысы туралы баяндады.

Мырзақұлов Дастан кездесуге қатысушылармен ашық әңгіме барысында оларға есірткі препараттарын қолданумен күресу әдістері туралы толық ақпарат берді.

Еліміздің әрбір азаматының сыбайлас жемқорлықты азайтуға жеке үлес қосуға, сыбайлас жемқорлықтың алдын алу және қоғамда сыбайлас жемқорлыққа қарсы мәдениетті қалыптастыру жөніндегі шараларды ұсынуға дайындығы өте маңызды, тек ашықтық пен жариялылық біздің мемлекетіміздегі сыбайлас жемқорлықты жоюға көмектеседі, - деп атап өтті Мырзақұлов Дастан.

Іс-шара барысында қатысушыларға буклеттер мен парақшалар таратылып, сауалнама жүргізілді.

«ЖАҢАРУ» РҚБ Баспасөз қызметі