2023 жылғы 17 қазан күні Мәдениет және ақпараттандыру министрлігі "Азаматтық бастамаларды қолдау орталығының" қолдауымен іске асырылатын "Жастардың құқықтық сауаттылығын және жастардың құқық қорғау органдарына деген сенім деңгейін арттыру жөніндегі іс-шаралар кешенін өткізу" жобасы аясында «ЖАҢАРУ» сыбайлас жемқорлыққа қарсы жалпыұлттық қозғалысы» РҚБ Шығыс Қазақстан облыстық филиалы мен «AMANAT» партиясы жанындағы «Жастар Рухы» ЖҚ ШҚО екі жақты келісімге қол қойды.

Меморандумның мақсаты – сыбайлас жемқорлыққа қарсы іс-қимыл мәселелерінде күш-жігерді біріктіру, парасаттылықты сақтау және жастардың құқықтық сауаттылығын арттыру жұмыстарының жүзеге асырылу барысы, азаматтардың сыбайлас жемқорлықты жоюға бағытталған іс-шараларға белсенді қатысуы, жастар арасында сыбайлас жемқорлыққа қарсы мәдениетін қалыптастыруда өзара іс-қимыл мен ынтымақтастықты күшейтуді қамтамасыз ету.

Құжатқа «Жастар Рухы» ЖҚ ШҚОФ төрағасы Қорлан Төлеубекқызы мен «ЖАҢАРУ» сыбайлас жемқорлыққа қарсы жалпыұлттық қозғалысы» РҚБ Шығыс Қазақстан облыстық филиалының директоры Манақов Жомарт Нұқанұлы қол қойып, алда жасалатын жоспарлар бойынша келісті.