Бүгін, 2023 жылғы 18 қазан Астана қаласы Қазмедиа Орталығында, «ӘДІЛЕТТІ ҚАЗАҚСТАН: БӘРІМІЗ ЖӘНЕ ӘРҚАЙСЫМЫЗ ҮШІН – АЗАМАТТЫҚ ҚОҒАМ ДАМУЫНЫҢ БАСТЫ БАҒЫТЫ» XI ҚАЗАҚСТАННЫҢ АЗАМАТТЫҚ ФОРУМЫ өтті.

Аталған форумға «ЖАҢАРУ» Сыбайлас жемқорлыққа қарсы жалпыұлттық қозғалыс» Республикалық қоғамдық бірлестігінің төрағасы  Семғалиев Мэлс Зайнуллаұлы, «ЖАҢАРУ»  Республикалық қоғамдық бірлестігі төрағасының орынбасары, қоғам және саяси қайраткер, филология ғылымдарының докторы, профессор Мамраев Бейбіт Баймағамбетұлы, «ЖАҢАРУ» Сыбайлас жемқорлыққа қарсы жалпыұлттық қозғалыс» РҚБ Жамбыл облыстық филиалының директоры Төлендиев Қасымхан Естемесұлы, «ЖАҢАРУ» Сыбайлас жемқорлыққа қарсы жалпыұлттық қозғалыс» РҚБ Алматы қалалық филиалының директоры Жапаров Борис Әлікенұлы қатысты. Форум аясында «Азаматтық бастама аумағы» әлеуметтік жобалардың көрмесі, ҮЕҰ қызметінің бағыттары бойынша аса ойдағыдай іске асырылған әлеуметтік жағынан маңызды жобаларды көрсетілімі, «Халықтық дипломатия – ШЫҰ-ға мүше мемлекеттердің тиімді сыртқы саясатының кепілі» дөңгелек үстелі ,«Азаматтық қоғам институттары: Әділетті Қазақстанды құрудағы шоғырлану» пікірталас алаңы, «Қоғамдық кеңестер  институтын дамыту» диалог алаңы сынды шаралар өтті.

"ЖАҢАРУ" баспасөз қызметі