16 қазан 2023 жылы Мәдениет және ақпараттандыру министрлігі «Азаматтық бастамаларды қолдау орталығының» қолдауымен «ЖАҢАРУ» Сыбайлас жемқорлыққа қарсы жалпыұлттық қозғалысы» Республикалық қоғамдық бірлестігі Шымкент қалалық филиалының ұйымдастыруымен «Жастардың құқықтық сауаттылығын және құқық қорғау органдарына сенім деңгейін арттыру бойынша іс-шаралар кешенін өткізу» атаулы әлеуметтік жобаның шеңберінде колледж жастарымен кезекті кездесу өтті.

Аталған іс-шараның мақсаты - құқыққа қайшы әрекеттер мен әрекетсіздіктерден жастардың хабардар болуы, құқықтық қорғалу және құқықтық сауаттылық деңгейін арттыру. Жастар ортасында құқық қорғау органдарының оң имиджін нығайту. Жастарды сыбайлас жемқорлыққа қарсы тәрбиелеу мәселелерінде жұмыстың жаңа нысандарын қарастыру.

Жиынға “ЖАҢАРУ” Сыбайлас жемқорлыққа қарсы жалпыұлттық қозғалысы” РҚБ-нің жанынан құрылған “Жас қыран” жастардың сыбайлас жемқорлыққа қарсы ұйымы ШҚФ төрағасы Аршабай Асылтаң Арысбекұлы, “ЖАҢАРУ” Сыбайлас жемқорлыққа қарсы жалпыұлттық қозғалысы” РҚБ ШҚФ мүшесі, техника ғылымдарының докторы Иманқұлов Нұрбақыт Насырұлы, Қаратау Аудандық полиция басқармасының полиция капитаны Жумашов Ғани, Қаратау АПБ ЖПҚ ЮПТ полиция майоры Қалдыбеков Арман, Қаратау АПБ ЖПҚ ЮПТ полиция капитаны Ергешбаев Мұхтар қатысып жастар тарапынын пікірлерімен алмасты. Аталған шараға Шымкент аграрлық-техникалық колледждің ұжымы мен 250-ден аса студенттері қатысты.

"ЖАҢАРУ" баспасөз қызметі