«ЖАҢАРУ» Сыбайлас жемқорлыққа қарсы жалпыұлттық қозғалыс» Республикалық қоғамдық бірлестігі Жамбыл облыстық филиалы «Жастардың құқықтық сауаттылығын және құқық қорғау органдарына сенім деңгейін арттыру бойынша іс-шаралар кешенін өткізу» атаулы әлеуметтік жобанының аясында Тараз қаласындағы ойық-сауық орындарын, саябақтарды түнгі мезгілде аралап, құқық қорғау органдарының жұмыстарымен танысу    ,рейдтер өткізуде.

Бұл әлеуметтік жобаны «ЖАҢАРУ» Сыбайлас жемқорлыққа қарсы жалпыұлттық қозғалыс» Республикалық қоғамдық бірлестігі Қазақстан Республикасы Мәдениет және ақпарат министрлігінің жанындағы «Азаматтық бастамаларды қолдау орталығы» Коммерциалық емес акционерлік қоғамның қолдауымен жүзеге асыруда.
Аталмыш рейдке «ЖАҢАРУ» РҚБ облыстық филиалының белсенділері, мемлекеттік және құқық қорғау органдарының мамандары, «AMANAT» партиясының «Жастар рухы» бөлімінің мүшелері, «Жас қыран» жастар бірлестігі, БАҚ өкілдері жұмылдырылуда.  
2023 жылғы 27 қыркүйекте өткен іс-шара кезінде рейд мүшелері ойық-сауық орындарында, саябақтарда кәмілетке келмеген 4 жас баланы кездестіріп, олардың ата-аналарынсыз, заңды өкілетті қамқоршысыз жүргенін анықтап, ата-аналарын шақырып заңнамаға сәйкес хаттамалар толтырып, оларға ескертулер жасап, өз құқықтарын насихаттау шаралары жүргізілді. Шара барысында жастарға буклет, флаерлар таратылды.

Бұндай рейдтер алдағы уақытта тұрақты түрде өткізіліп тұратын болады.